๐๘/๐๗/๒๕๖๓
ยามตาเว็นบ่ายคล้อยงอยอยู่เทิงชาน
ออกไปหาอาหารใส่ภาช์แลงนี้
มีพริกเกลือเกียมใว้หัวชิงไคอิตู่
เทือได้อู๋อ่อมต้มแก่วแก้มผักกะเดา
พอใส่แลงฮอดเช้าประเคนพ่อญาคู
คนหากดู๋หากินหมั่นทางคนคั้ว
เห็นเลาลัวตัวเลี่ยมแนมเห็นว่าเอี่ยน
เกียมเหน็กเนี่ยงใส่ข่องผ่องยิ้มบ่เชา
แนวเป็นของคะเจ้าขี้เก่าเพิ่นเชาหา
คิดว่าปลาผัดแมนงูห่าเอ้ยชวยช้ำ
กำถืกคอพอง้างหัวหางตั้งท่า
จับมาฟาดใส่ไม้ตายแล้วจังค่อยวาง
แนมเห็นทางคืนบ้านเหี่ยวห่อทรมาน
คนบ่หมานคือเฮาต่ำชินผลากิ้น
สมแต่ปลาแดกปิ้นหนอนวินจนว่าจ่อย
หวังสิกินลาบก้อยมันสมเจ้าพ่อพญา แหล้ว
ชำบายดียามแลงๆครับ พากันได้หยังใส่แลง
น้ออ มื้อนิ ไผมีหยังกะมาแบ่งปันกันแนเด้อ
บ่หมานๆหากินมื้อนิ สมตะปลาแดกล่ะเมิ่งชง
โฆษณา
- ดาวน์โหลดแอปพลิเคชัน
- © 2025 Blockdit
