#สำนักสักยันต์พ่อหนานอินสม
ที่มาของยันต์เสือ"7ป๊อด"และพิธีการก่อนสัก
"เสือเย็น สมิงฮ้ายพรายกล้า ล้านนาทิศา"
สมิงฮ้ายพรายกล้า แห่งโขงเขตล้านนาทิศา อันเสือเย็นนั้น เป๋นเสืออันเกิดมาแต่แฮงแห่งสิ๊ปกุณไสยยะ
ซึ่งต๋ามแต่ตำนานบัวราณเก่าเกื้อ ซุมแก่ซุมเฒ่าเปิ้นเล่าไว้ว่า ปุคละคนไดเฮียนวิชชาเสือเย็นนั้น จักสับหมึก
ใส่เลขเป๋นรูปเสือเผ่นก็มี เสือเจ็ดป๋อดก็มี โดยในพิธีกรรมนั้นผู้สักยันต์จักถือต๋ามกำของครูบาผู้เป๋นอาจารย์
เช่น ห้ามกิ๋นเหล้าเหลือค้างแก้วผู้อื่น รือว่า เหล้าขี้ซาก ห้ามกิ๋นข้าวที่บ้านศพ ห้ามกิ๋นแก๋งฟักหม่น ห้ามลอด
กล้วยงำเครือ ห้ามลอดฮาวตากผ้า เป๋นต้น
ต่อไปนี้เป๋นกำบอกเล่าว่า ผู้สับลายเสือเจ็ดป๋อด
"ก๋านสับลายเสือเจ็ดป๋อดนั้น จะใจ้เวลา 7 วัน 7 คืน หมายความว่า 1 วัน จะสักลายได้ 1 ป๋อด" คำว่า ป๋อดนี้
จากก๋านดูลายที่สัก เป๋นลักษณะวงกลมบรรจุก๊ะถาอยู่ภายใน ป๋อดหรือยันต์วงกลมนี้ จะวางตัวในจุดสำคัญ 7 แห่ง
ของเสือคือ ตี๋นเสือ 4 ที่ หัว 1 ที่ หาง 1 ที่และ อกเสือ 1 แห่ง " เมื่อสับลายได้ 1 ป๋อด อาจารย์จะฮื้อลูกศิษย์กระโดด
ไปกิ๋นเนื้อดิบ ที่ห้อยกล๋างขื่อบ้านป้ออาจารย์ เสมือนใส่หัวใจพญาเสือโคร่ง เมือสับลายครบได้ 7 วันก็เสร็จแล้วซึ่งพิธีกรรม"
เมื่อได้โปร่งยันต์นี้กับตั๋วแล้ว จะต้องถือต๋ามข้อห้ามครูดั่งนี้
1.ห้ามกิ๋นเหล้าขี้ซาก
2.ห้ามกิ๋นแก๋งฟักหม่น กับ แก๋งหยวกกล้วย
3.ห้ามกิ๋นข้าวบ้านศพ
4.ห้ามผิดลูกเมียท่าน
5.ห้ามลอดฮาวตากผ้า และจะต้องอาบน้ำส้มป่อย 7บ่อ ทุกวันเดือนดับ เดือนเพ็ญ จึ่งจักฮักษายังสิ๊ปกุณแห่งเสือ 7ป๋อดไว้ได้
...ผู้ใดถือได้จักอยู่ยงคงกระพันข่ามหนังเหนียว มีแฮงดั่งพญาเสือ แม้นผู้ใดฮักษาบ่าได้สิ๊ปกุณจักเสื่อม โดยเฉพาะถ้าผู้ใด
ถือได้มั่นเที่ยง สิ๊ปกุณพญาเสือแก่กล้า แลบ่ได้สรงน้ำ 7 บ่อแล้ว มันผู้นั้นจักเป๋นเสือเย็น จักฮ้อนรุ่มสุมไฟด้วยอยากกิ๋น
ของดิบของคาวมันผู้นั้นจักกล๋ายเป๋นเสือไปนอนบนยอดต๋องกล้วย แลจับเอาสัตว์ตังหลายเป๋นมังสาหาร แม้นจักได้
กิ๋นคน มันจักบ่ป๊อกปิ๊ก มาเป๋นคน จักเป๋นเสือเย็นเจ่นนั้นแลฯ
...ก๋านแก้สิ๊ปกุณเสือเย็นนั้น ถ้าผู้มีสิ๊ปกุณฮู้ตั๋วก็จักละเสียยังครู โดยลอยครูไปบนสะตวงหยวกไหลน้ำไป ถ้าบ่เจ่นนั้น
ก็จะเป๋นเสือไปตราบเจ่นถูกฆ่าท่านแทงที่หัวใจต๋ายละไป อันว่าเสือเย็นนี้เป๋นศาสตร์ลับลี้ที่บ่สามารถพิสูจน์ได้
แต่มีพระพุทธพจน์คำหนึ่งกล่าวว่า "ดูกรภิกษุตังหลาย ทุกอย่างสำเร็จได้ด้วยจิต" ผู้เขียนคิดว่าผู้ชำนาญ
ทางจิตจักเข้าใจดี ผู้บ่ฮู้บ่กวรลบหลู่ อุปมาดั่งคนต๋าบอดบ่เคยหันโลก ย่อมกล่าวว่าโลกบ่มีนั้นแลฯ
แต่ปัจุปันนี้หากจะทำเช่นเก่าก่อนบ๋ได้แล้วเพราะยุคสมัยมันเปลี่ยนแปลงไปเยอะครูบาอาจารย์ก่ต้องพัฒนาและประยุกต์ไปตามยุคสมัยแต่ก่ยังคงไว้ซึ้งความเข้มขลังแต่จะลดพิธีการต่างๆลงมาเช่นต้องสักทั้งหมด7วัน เหลือเพียง1วันเพื่อไม่ให้เป็นการเสียเวลาของลูกศิษย์และพิธีการแปลกๆพิศาลก่ไม่ทำตามเดิมเพราะมันจะแรงเกินไปจะเกิดผลเสียได้ ยันต์นี้ครูบาอารย์จึงไม่สักพร่ำเพรื่อต้องเลือกและดูคนๆให้แน่ใจเสียก่อนที่จะได้รับการสักไม่ใช้ว่าจู่ๆเดินมาแล้วบอกผมจะสักยันต์นี้ ไม่ได้นะครับ ส่วนยันต์ในรูปเป็นยันต์ที่พ่อหนานสักให้ผมเองพ่อหนานบอกเป็นตำราของเงี้ยวแรงมาก แต่ผมก่ไม่ใช้จะได้สักง่ายๆนะครับผมขอมาเป็นปีๆตั้งแต่ผมมาฝากตัวเป็นศิษย์กับท่านใหม่ๆผมถามตอนแรกท่านบอก โห้!!มันบ่ะดีก่าหาบ่ะเอาเตื่อเอาะมันแฮกล้ำไป้ตัวน้อยยุเดวมันจะคุ้มบ่ะอยู่ มันจะไข้ไป ไปเลื่อยหนามันจะฮ้อนบ่ะอยู่กับตี้บ่ะเอาเตื่อน้อ
ผมก่ตอบได้แค่เพียงคำว่า"ครับ" แต่ในใจคะได้ขนาด5555 ช่วงนั้นผมว่างไปหาท่านทุกครั้งก่ซื้อของฝากไปฮื้อท่านเกือบทุกครั้งมีงานหยังผมก่ไปจ่วยตลอดจนผ่านไปเป็นปีผมก่เลยตัดสินใจถามเปิ้นแหมกำว่า ป่อครับผมอยากสักเสือ7ป๊อดป่อสักฮื้อกำได้ก่ ป่อผ่อหน้าล่ะก่ะถามแหมกำว่าจะสักแต้ก่ะ คะได้ขนาดน้อ(ตอนนั้นมีอ.ช้างอยู่ตวยนะครับ)ผมก่บอกว่าครับ ป่อหนานก่เลยว่าม่ะ สักก่สัก ไหนๆก่จะสักล่ะเอาเน็ดๆไปเลยน้อ ป่อเปิ้นก่ลุกไปในห้องนอนเปิ้นแล้วก่กำสมุดมา1เล่มเป็นตำรายันต์ที่ท่านจดเอาไว้เอง พอมาถึงเปิ้นก่เปิดฮื้อดูแล้วก่บอกว่าเอาะเอาตำรานี้น้อ เป็นตำราเสือ7ป๊อดของหมู่เงี้ยวเขาแฮงนักแกเน้อได้ไปล่ะก่คุ้มดีๆเน้อ ผมดีใจและภูติใจกับยันต์นี้ขนาดครับ ขอบคุณป่อหนานนักๆที่เมตตาผมเน้อครับ^^
ปล.ยันต์นี้ที่สำนักก่ไม่มีแบบนะครับแบบนี้ผมนั่งวาดเองอ้างอิงจากตำราของพ่อหนานดัดแปลงเพื่อความสมดุลและสวยงามเล็กน้อยครับ
#ศิษย์พ่อหนานอินสม
- 3
โฆษณา
- ดาวน์โหลดแอปพลิเคชัน
- © 2025 Blockdit
