ລຳໄສ້ໃຫຍ່ (Colon or Large Intestine)
ລຳໄສ້ໃຫຍ່
ເປັນອະໄວຍະວະທີ່ຢູ່ໃນລະບົບທາງເດີນອາຫານ ລຳໄສ້ໃຫຍ່ຂອງຄົນມີຄວາມຍາວປມານ 1.5 ແມັດ, ເສັ້ນຜ່າສູນກາງປະມານ 6 ເຊັນຕີແມັດ ແບ່ງອອກເປັນສາມສ່ວນຄື:
1. ກະເປາະລຳໄສ້ໃຫຍ່ ຫລື ຊີກັມ (cecum) ເປັນລຳໄສ້ໃຫຍ່ສ່ວນທຳອິດ ທີ່ຕໍ່ຈາກລຳໄສ້ນ້ອຍສ່ວນໄອລຽມ ຊຶ່ງເຮັດຫນ້າທີ່ຮັບກາກໄຍອາຫານຈາກລຳໄສ້ນ້ອຍ ທີ່ຊີກັມມີສ່ວນຂອງໄສ້ຕິ່ງຍືດອອກມາ (vermifrom appendix).
2. ໂຄລອນ (colon) ເປັນລຳໄສ້ໃຫຍ່ສ່ວນທີ່ຍາວທີ່ສຸດ ປະກອບດ້ວຍລຳໄສ້ໃຫຍ່ຝ່າຍຂວາ, ຝ່າຍກາງ ແລະ ຝ່າຍຊ້າຍ. ມີຫນ້າທີ່ດູດຊືມນ້ຳ ແລະ ວິຕາມິນບີ12 ທີ່ແບກທີເຣຍໃນລຳໄສ້ໃຫຍ່ສ້າງຂຶ້ນ ແລະ ພັກດັນກາກໄຍອາຫານເຂົ້າສູ່ລຳໄສ້ໃຫຍ່ສ່ວນຕໍ່ໄປ.
3. ໄສ້ຊື່, ໄສ້ສຸດ ຫລື (Rectum) ເມື່ອກາກໄຍອາຫານເຂົ້າສູໄສ້ສຸດ ຈະເຮັດໃຫ້ເກີດຄວາມຮູ້ສຶກປວດທ້ອງຖ່າຍຫນັກ ຫລື ປວດອຸຈາຣະນັ້ນເອງ, ເພາະວ່າຄວາມດັນໃນໄສ້ສຸດເພີ່ມຂຶ້ນເປັນເຫດເຮັດໃຫ້ກ້າມເນື້ອຮູຮູດທີ່ທະວານຫນັກດ້ານໃນທຳງານເປີດອອກ ແລະ ກ້າມເນື້ອຮູຮູດທີ່ທະວານຫນັກດ້ານນອກກໍເປີດອອກ ຊຶ່ງເຮັດໃຫ້ເກີດການຖ່າຍອຸຈາຣະອອກທາງທະວານຫນັກ (anus) ຕໍ່ໄປ.
ລຳໄສ້ໃຫຍ່ມີຫນ້າທີ່ເຮັດຫຍັງແດ່?
1. ລຳໄສ້ໃຫຍ່ເຮັດຫນ້າທີ່ຮັບກາກໄຍອາຫານທີ່ລຳໄສ້ນ້ອຍຍ່ອຍແລ້ວ ນຳເຂົ້າສູ່ຂະບວນການສຸດທ້າຍຂອງລະບົບການຍ່ອຍອາຫານ.
2. ດູດຊືມນ້ຳ ແລະ ວິຕາມິນບີ 12 ທີ່ແບກທີເຣຍໃນລຳໄສ້ໃຫຍ່ສ້າງຂຶ້ນ.
3. ດູດຊືມແຮ່ທາດ ແລະ ກລູໂຄສທີ່ຍັງຫລົງເຫລືກັບເຂົ້າສູ່ກະແສເລືອດ.
4. ພັກດັນກາກໄຍອາຫານສູ່ໄສ້ສຸດ ເພື່ອຂັບອອກທາງທະວານຫນັກຕໍ່ໄປ.
ຈະເຫັນໄດ້ວ່າລຳໄສ້ໃຫຍ່ມີສ່ວນໃນການຍ່ອຍອາຫານບໍ່ຫລາຍ ແຕ່ຈະຊ່ວຍໃນການດູດຊຶມນ້ຳ, ວິຕາມິນ ແລະ ແຮ່ທາດຕ່າງໆທີ່ເກີດຈາກແບກທີເຣຍ ແລະ ທີ່ຍັງເຫລືອຈາກການດູດຊຶມຂອງລຳໄສ້ນ້ອຍກັບຄືນສູ່ຮ່າງກາຍ ແລະ ເຮັດຫນ້າທີ່ສຸດທ້າຍຂອງລະບົບການຍ່ອຍອາຫານ ຊຶ່ງກໍຄືການຂັບຖ່າຍກາກໄຍອາຫານອອກມາທາງທະວານຫນັກນັ້ນເອງ.
ແນ່ນອນການທີ່ສຸຂະພາບຂອງຄົນເົຮາຈະແຂງແຮງໄດ້ນັ້ນກໍຍ້ອນວ່າຄົນເຮົາມີການຂັບຖ່າຍທີ່ດີ ແລະ ລຳໄສ້ສະອາດ ນຶ່ງເຮັດໃຫ້ບໍ່ມີລົມໃນລຳໄສ້ດັ່ງນັ້ນນຶ່ງເຮັດໃຫ້ສຸຂະພາບຂອງແຮງ, ເມື່ອລຳໄສ້ສະອາດບໍ່ມີຂອງເສຍຕົກຂ້າງຈຶ່ງເຮັດໃຫ້ປອດແຂງແຮງເພາະວ່າລົມທີ່ບໍດີໃນລຳໄສ້ບໍ່ຕີຂຶ້ນສູ່ປອດນັ້ນເອງ, ແລະ ບໍ່ມີກິ່ນປາກ, ກິ່ນຕົວ, ສິວ, ຟ້າ, ກະ,ເມັນ ກໍຈະບໍ່ເກີດຖ້າລຳໄສ້ສະອາດ.
+8562059923282
- 5
โฆษณา
- ดาวน์โหลดแอปพลิเคชัน
- © 2024 Blockdit
