ປອດ (Lung)
ປອດເປັນອະໄວຍະວະຫນຶ່ງໃນຮ່າງກາຍທີ່ມີຄວາມສຳຄັນຢ່າງຫລວງຫລາຍໃນສັດທີ່ມີກະດູກສັນຫລັງ ໃຊ້ໃນການຫາຍໃຈ ຫນ້າທີ່ຫລັກຂອງປອດຄື ການແລກປ່ຽນອອກຊິເຈນຈາກສິ່ງແວດລ້ອມ ເຂົ້າສູ່ລະບົບເລືອດໃນຮ່າງກາຍ ແລະ ແລກປ່ຽນເອົາແກ໊ສຄາບອນໄດອ໊ອກໄຊດ໌ອອກຈາກລະບົບເລືອດອອກສູ່ສິ່ງແວດລ້ອມ ທຳງານໂດນການປະກອບຂຶ້ນຂອງເຊລເປັນຈຳນວນລ້ານເຊລ ຊຶ່ງເຊລທີ່ວ່ານີ້ມີລັກສະນະນ້ອຍ ແລະ ບາງ ລຽນຕົວກັນປະກອບກັນເປັນຖົງເຫມື່ອນຖົງຫມາກປຸມເປົ້າ ຊຶ່ງໃນຖົງຫມາກປຸມເປົ້ານີ້ເອງທີ່ມີການແລກປ່ຽນແກ໊ສຕ່າງໆ ນອກຈາກການເຮັດຫນ້າທີ່ແລກປ່ຽນແກ໊ສແລ້ວປອດຍັງເຮັດຫນ້າທີ່ອຶ່ນໆອີກ.
ຄຳວ່າປອດໃນພາສາອັງກິດໃຊ້ຄຳວ່າ lung ໃນມະນຸດນັ້ນມີປອດຢູ່ໃນຊວງຫນ້າເອິກ ມີສອງຝ່າຍຄື ເບື້ອງຊ້າຍ ແລະ ເບື້ອງຂວາ ປອດມີລັກສະນະນຸ້ມ ຈຶ່ງມີກະດູກຂ້າງປົກປ້ອງປອດໄວ້ອີກຊັ້ນຫນຶ່ງ ປອດແຕ່ລະເບື້ອງຈະມີຖົງບາງໆ 2 ຊັ້ນຫຸ້ມຢູ່ ເອິ້ນວ່າເຍື້ອຫຸ້ມປອດ ທີ່ເປັນຖົງບາງໆ 2 ຊັ້ນນີ້ເອິ້ນວ່າ ເຍື້ອຫຸ້ມປອດຊັ້ນໃນ ແລະ ຊັ້ນນອກ ເຍື້ອຫຸ້ມປອດຊັ້ນໃນຈະແນບຕິດໄປກັບຜິວຂອງປອດ ສ່ວນເຍື້ອຫຸ້ມປອດຊັ້ນນອກຈະແນບຕິດໄປກັບຊວງຫນ້າເອິກ ລະຫວ່າງເຍື້ອຫຸ້ມປອດ 2 ຊັ້ນບາງໆນີ້ຈະມີຊ່ອງວ່າງທີ່ເອິ້ນວ່າ ຊ່ອງເຍື້ອຫຸ້ມປອດ ໃນຊ່ອງເຍື້ອຫຸ້ມປອດຈະມີຂອງແຫລວທີ່ຄ່ອຍຫລໍ່ລຶ້ນຢູ່ ເອິ້ນວ່າຂອງແຫລວເຍື້ອຫຸ້ມປອດ ຂອງແຫລວນີ້ຈະຊ່ວຍເຮັດໃຫ້ເຍື້ອຫຸ້ມປອດແຕ່ລະຊັ້ນໄຫລໄປມາລະຫວ່າງກັນໄດ້ໂດຍບໍ່ສຽດສີກັນ ແລະ ຂອງແຫລວເຍື້ອຫຸ້ມປອດກໍຍັງຊ່ວຍຍຶດເຍື້ອຫຸ້ມປອດທັງ 2 ຊັ້ນໄວ້ບໍ່ໃຫ້ແຍກຈາກກັນໂດຍງ່າຍໆ ປອດເບື້ອງຊ້າຍນັ້ນມີຂະຫນາດນ້ອຍກວ່າເບື້ອງຂວາ ເພາະປອດເບື້ອງຊ້າຍນັ້ນຕ້ອງໄດ້ຈົ່ງພື້ນທີ່ເອົາໄວ້ໃຫ້ຫົວໃຈຢູ່ໃນຊວງຫນ້າເອີກນຳກັນ.
ປອດເປັນອະໄວຍະວະຢູ່ໃນຊວງຫນ້າເອິກ ທັງເບື້ອງຊາຍ ແລະ ຂວາ ຂອງຫົວໃຈ ມີຮູບຮ່າງຄ້ອນຄ້າງຄືຊົງກວຍໂດຍມີດ້ານແຄບຢູ່ດ້ານເທິງ ດ້ານລຸ່ມເປັນດ້ານກວ້າງ ມີສ່ວນວ້ຳທີ່ສຸບເຂົ້າພໍດີກັບສ່ວນທີ່ສວດຂອງກຳບັງລົມ ບາງສ່ວນຂອງສ່ວນຍອດຂອງປອດສອດເຂົ້າໄປໃນພື້ນທີ່ຂອງຄໍ ຢູ່ເທິງກະດູກຂ້າງອັນທີ່ຫນຶ່ງດ້ານກະດູກສັນຫນ້າເອິກເລັກນ້ອຍ ດ້ານຫລັງຂອງປອດຢູ່ໃກ້ກັບກະດູກສັນຫລັງ ແລະ ດ້ານຫນ້າກິນພື້ນທີ່ຕັ້ງແຕ່ຫນ້າເອິກລົງມາເຖິງກຳບັງລົມ.
ວິທີການເຮັດວຽກຂອງປອດ
ການແລກປ່ຽນແກ໊ສ ແລະ ການໃຊ້ອ໊ກຊິເຈນ ເມື່ອເຮົາຫາຍໃຈເຂົ້າ ອາກາດພາຍນອກເຂົ້າສູ່ອະໄວຍະວະຂອງລະບົບຫາຍໃຈໄປຫາຖົງລົມໃນປອດທີ່ຜະຫນັງຂອງຖົງລົມມີຫລອດເລືອດຝອຍຕິດຢູ່ ດັ່ງນັ້ນເມື່ອອາກາດເຂົ້າມາເຖິງ ຖົງລົມຈຶ່ງມີໂອກາດໃກ້ຊິດກັບເມັດເລືອດແດງຊຶ່ງໄຫລມາພ້ອມກັບເລືອດພາຍໃນຫລອດເລືອດຝອຍຫລາຍຂຶ້ນ ຈາກນັ້ນອ໊ອກຊິເຈນໃນອາກາດຊຶ່ງມີປະລິມານຫລາຍກວ່າປະລິມານອ໊ອກຊິເຈນໃນເລືອດ ກໍຈະຊືມຜ່ານຜະຫນັງຖົງລົມ ແລະ ຜະຫນັງຫລອດເລືອດຝອຍນີ້ເຂົ້າສູ່ເມັດເລືອດແດງ ແລະ ພ້ອມກັນນັ້ນ ຄາບອນໄດອ໊ອກໄຊດ໌ທີ່ເຫລືອຈາກຂະບວນການເມຕາບໍລິຊຶມຂອງເຊລຕ່າງໆໃນຮ່າງກາຍ ແລະ ສົ່ງມາກັບເມັດເລືອດແດງກໍຈະອອກຈາກເມັດເລືອດຜ່ານຜະຫນັງອອກມາສູ່ຖົງລົມ ປົກກະຕິໃນອາກດມີອ໊ອກຊິເຈນ 20% ແຕ່ອາກາດທີ່ເຮົາຫາຍໃຈມີອ໊ອກຊິເຈນ 13%.
ກຳຈັດຂອງເສຍທາງປອດ
ການກຳຈັກຂອງເສຍທາງປອດ ຄືກຳຈັດອອກມາໃນຮູບແບບຂອງນ້ຳ ແລະ ຄາບອນໄດອ໊ອກໄຊດ໌ ຊຶ່ງເປັນຜົນທີ່ໄດ້ຈາກຂະບວນການຫາຍໃຈ ໂດຍນ້ຳ ແລະ ຄາບອນໄດອ໊ອກໄຊດ໌ ແຜ່ອອກຈາກເຊລເຂົ້າສູ່ຫລອດເລືອດ ແລະ ເລືອດຈະເຮັດຫນ້າທີ່ລຳລຽງໄປສູ່ປອດ ແລ້ວແຜ່ເຂົ້າສູ່ຖົງລົມທີ່ປອດ ຫລັງຈາກນັ້ນຈຶ່ງເຄື່ອນຜ່ານຫລອດລົມແລ້ວອອກຈາກຮ່າງກາຍຜ່ານຮູດັງຊຶ່ງເອິ້ນວ່າຂະບວນການເມຕາບໍລິຊຶມ.
ຫນ້າທີ່ຂອງປອດ.
- ເຮັດຫນ້າທີ່ກ່ຽວກັບການຫາຍໃຈແລກປ່ຽນແກ໊ສອ໊ອກຊິເຈນ ແລະ ຄາບອນໄດອ໊ອກໄຊດ໌
- ການຄວບຄຸມ ແລະ ຂັບສານຕ່າງໆເຊັນ: ຢາ, ແອລກໍຮໍ ອອກຈາກລະບົບເລືອດ
- ການຄວບຄຸມຄວາມສົມດຸນຂອງຄວາມເປັນກົດ-ດ່າງໃນເລືອດ ຊຶ່ງມີຄວາມສຳພັນຕໍ່ປະສິດຕິພາບການເຮັດວຽກຂອງເອນໄຊມ໌ ແລະ ອະໄວຍະວະຕ່າງໆ
- ກັນຕອງລິ້ມເລືອດນ້ອຍໆທີ່ຕົກຕະກອນອອກຈາກເສັ້ນເລືອດດຳ
- ປົກປ້ອງ ແລະ ຮັບແຮງກະທົບທີ່ຈະສົ່ງຜົນອັນຕະລາຍຕໍ່ຫົວໃຈຊຶ່ງຢູ່ເຄິ່ງກາງຊວງຫນ້າເອິກ
- ເຮັດຫນ້າທີ່ແລກປ່ຽນແກ໊ສ
ພວກເຮົາເຫັນໄດ້ຊັດເຈນເລີຍວ່າປອດເປັນອະໄວຍະວະທີ່ຄ້ອນຄ້າງໃຫຍ່ທີ່ສຸດແລະສຳຄັນທີ່ສຸດໃນຮ່າງຮ່າງອີກຊະນິດຫນຶ່ງກໍ່ວ່າໄດ້ດັ່ງນັ້ນເຮົາຄວນປ້ອງກັນດູແລປອດໃຫ້ດີໂດຍການເສີມວິຕາມິນຊີໃຫ້ຫລາຍໆແລ້ວປອດຈະແຂງແຮງແລະປາສະຈາກເຊື້ອໄວຣັສນັ້ນເອງ ຖ້າປອດຂອງທ່ານມີປັນຫາກໍຈະສົ່ງຜົນຕໍ່ສຸຂະພາບຮ່າງຂອງທ່ານແນ່ນອນ.
+8562059923282
- 4
โฆษณา
- ดาวน์โหลดแอปพลิเคชัน
- © 2024 Blockdit
