ມ້າມ (spleen)
ໃນສາດແພດແຜນຈີນ ມ້າມ ຄື ອະໄວຍະວະສຳຄັນຂອງລະບົບຍ່ອຍ
ຫນ້າທີ່ການເຮັດວຽກຂອງມ້າມ
ມ້າມໃນທາງແພດແຜນຈີນ ບໍ່ໄດ້ມີຄວາມຫມາຍວ່າ “ມ້າມ” ພຽງອະໄວຍະວະດຽວ ແຕ່ຫມາຍເຖິງອະໄວຍະວະຂອງລະບົບຍ່ອຍທັງຫລາຍດ້ວຍ ສະນັ້ນເຮົາຈຶ່ງບໍ່ສາມາດກ່າວເຖິງການເຮັດວຽກຂອງ “ມ້າມ” ແຕ່ພຽງຢ່າງດຽວ ເພາະວ່າກົນໄກການເຮັດວຽກຂອງລະບົບຍ່ອຍໃນຮ່າງກາຍຂອງຄົນເຮົາມີຄວາມສຳພັນກັນຫລາຍສ່ວນ.
ຫາກກ່າວເຖິງລະບົບຍ່ອຍໂດຍລວມ ການຈະເລີນເຕີບໂຕ ແລະ ຄວາມແຂງແຮງຂອງຮ່າງກາຍຂອງຄົນເຮົາເລີ່ມຈາກການກິນອາຫານທີ່ປຸ່ງແຕ່ງມາຈາກຜັກ ຫມາກໄມ້ ເນື້ອສັດ ລວມທັງເຂົ້າ ແລະ ພືດພັນທັນຍາຫານຕ່າງໆ ດ້ວຍກຳມະວິທີການປຸງແຕ່ງທີ່ຫລາກຫລາຍເຊັ່ນ: ຕົ້ມ, ຜັດ, ແກງ, ຂົ້ວ, ຍຳ, ຈືນ ແລະ ອຶ່ນໆ ເມື່ອເຮົາກິນອາຫານທີ່ປຸງແຕ່ງເຂົ້າປາກ “ແຂ້ວ” ກໍເຮັດຫນ້າທີ່ການບົດລະອຽດ “ລີ້ນ” ຊ່ວຍໃນການຄົນປະສົມອາຫານ ແລະ ນ້ຳລາຍກໍຊ່ວຍໃນການຍ່ອຍຂັ້ນຕົ້ນ.
ຈາກນັ້ນອາຫານຈຶ່ງຖືກກືນລົງລຳຄໍຜ່ານຫລອດອາຫານລົງສູ່ກະເພາະອາຫານ ແລ້ວ “ກະເພາະ” ກໍຈະບົດລະອຽດອີກເທື່ອຫນຶ່ງ ໃນຂັ້ນຕອນນີ້ນ້ຳຍ່ອຍໃນກະເພາະອາຫານຈະຊ່ວຍຍ່ອຍອາຫານສ່ວນຫນຶ່ງ.
ແລ້ວຈຶ່ງສົ່ງໄປຫາ “ລຳໄສ້ນ້ອຍ” ທີ່ມີນ້ຳຍ່ອຍຈາກ “ບີ” ທີ່ “ຕັບ” ຂັບອອກມາຕຸນໄວ້ທີ່ “ຖົງນ້ຳບີ” ເຂົ້າມາຊ່ວຍຍ່ອຍໄຂມັນໂມເລກຸນໃຫຍ່ໆ ໃຫ້ກາຍເປັນໂມເລກຸນທີ່ນ້ອຍລົງ ເພື່ອໃຫ້ນ້ຳຍ່ອຍຂອງ “ຕັບອ່ອນ” ຍ່ອຍໄດ້ງ່າຍຂຶ້ນ ແລ້ວນ້ຳຍ່ອຍຂອງລຳໄສ້ນ້ອຍຈຶ່ງຈະຊ່ວຍຍ່ອຍໃຫ້ລະອຽດຕື່ມອີກ.
ເມື່ອອາຫານທີ່ເຮົາກິນເຂົ້າໄປ ຜ່ານການຍ່ອຍຈາກນ້ຳຍ່ອຍຈາກລະບົບຍ່ອຍດັ່ງກ່າວແລ້ວ “ລຳໄສ້ນ້ອຍ” ຈະຊ່ວຍຈັດສັນສານອາຫານຊັ້ນທີ່ດີແລະດູດຊືມຜ່ານຜະຫນັງລຳໄສ້ແລ້ວ “ມ້າມ” ຈະເຮັດຫນ້າທີ່ເປັນຕົວລຳລຽງສານອາຫານທີ່ຖືກຈັດສັນແລ້ວສົ່ງໄປລ້ຽງສ່ວນຕ່າງໆຂອງຮ່າງກາຍ ແລະ ໄປຕື່ມເຕັມໃຫ້ກັບ “ສານຊີວິດກ່ອນໃຫ້ກຳເນີດ” ແລະ ກັກເກັບໄວ້ທີ່ໄຂ່ຫລັງ ເພື່ອເກັບໄວ້ເປັນວັດຖຸດິນໃນການສ້າງເລືອດ ສ່ວນອາຫານທີ່ເປັນກາກໄຍຈະສົ່ງໄປຫາລຳໄສ້ໃຫຍ່ ຈາກຂອງເສຍທີ່ຮ່າງກາຍບໍ່່ຕ້ອງການຈະຖືກຂັບອອກຜ່ານລຳໄສ້ໃຫຍ່ເປັນອຸຈາຣະອອກຈາກຮ່າງກາຍ ນີ້ຄືຄວາມສົມດຸນຂອງລະບົບຍ່ອຍທີ່ຮ່າງກາຍຂອງເຮົາດຳເນີນການຢູ່ທຸກວັນ.
ການເຮັດວຽກຂອງລະບົບຍ່ອຍນີ້ເອງ ທີ່ເປັນແຫລ່ງສົ່ງພະລັງງານໃຫ້ແກ່ອະໄວຍະວະຕ່າງໆທົ່ງຮ່າງກາາຍເປັນແຫລ່ງທີ່ຂາດບໍ່ໄດ້ ຄວາມແຂງແຮງ ຫລື ອ່ອນເພຍຂອງຮ່າງກາຍຈຶ່ງກ່ຽວຂ້ອງກັບການກິນໄດ້ ຍ່ອຍໄດ້ ດູດຊືມໄດ້ ແລະ ການລຳລຽງໄດ້ດີ ຫລື ກະເພາະ ແລະ ມ້າມ ບໍອາດຫລິກລ້ຽງໄດ້.
ດັ່ງນັ້ນຄຳວ່າ “ມ້າມ” ໃນທາງແພດແຜນຈີນ ຈິ່ງຄວບຄຸມໄປເຖິງການຍ່ອຍ ຊຶ່ງເປັນການເຮັດວຽກຂອງ “ຕັບອ່ອນ” ແລະ “ລຳໄສ້ນ້ອຍ” ທີ່ມີນ້ຳຍ່ອຍມາຊ່ວຍໃນການຍ່ອຍອາຫານຈຶ່ງຈະສາມາດຊ່ວຍຍ່ອຍໄຂມັນຕໍ່ຈາກນ້ຳບີທີ່ຊ່ວຍຍ່ອຍມາລະດັບຫນຶ່ງແລ້ວໃຫ້ເປັນໂມເລກຸນທີ່ນ້ອຍທີ່ສຸດ ແລ້ວຄັດເລືອກ ສານອາຫານທີ່ຊັ້ນຍອດຍ້ຽມທີ່ສຸດເພື່ອສົ່ງລຳລຽງໄປລ້ຽງອະໄວຍະວະຕ່າງໆທົ່ວໃນຮ່າງກາຍ.
ສານອາຫານຊັ້ນດີ ທີ່ພວກເຮົາກິນເຂົ້າໄປລ້ວນແຕ່ຫຍາບ ແລະ ຫນຽວ ແຂງ ທັງນັ້ນເລີຍ ຈຶ່ງຈຳເປັນຕ້ອງຜ່ານການບົດລະອຽດ ຂັ້ນຕົ້ນຈາກ ແຂ້ວ ໃນການຍ້ຳ ແລະ ກະເພາະຍ່ອຍ ຕາມດ້ວຍນ້ຳຍ່ອຍ ທີ່ເຮັດໃຫ້ເປັນໂມເລກຸນນ້ອຍໆ ຈາກນັ້ນຈຶ່ງຂັດເອົາສ່ວນທີ່ດີທີ່ສຸດທີ່ສາມາດຫລໍ່ລ້ຽງຮ່າງກາຍຜ່ານການເຮັດວຽກຂອງມ້າມໄປສູ່ສ່ວນຕ່າງໆ ສ່ວນທີ່ເປັນກາກໄຍກໍຈະເຄື່ອນໄປສູ່ລຳໄສ້ໃຫຍ່ແລ້ວຂັບອອກຈາກຮ່າງກາຍທີ່ເປັນອຸຈາຣະນັ້ນເອງ ຈະເຫັນໄດ້ວ່າຄົນທີ່ກິນອາຫານແຊບ ຍ່ອຍງ່າຍ ຖ່າຍສະດວກ ຈະເປັນຄົນທີ່ແຂງແຮງ ອາຍຸຍືນ ສະນັ້ນມ້າມຈຶ່ງມີຄວາມສຳຄັນຕໍ່ຮ່າງກາຍ ແລະ ຊີວິດຂອງມະນຸດເຮົາຢ່າງຍິ່ງເລີຍ ດັ່ງນັ້ນຢ່າປ່ອຍໃຫ້ມ້າມມີປັນຫາຖ້າມ້າມມີປັນຫລືອັກເສບກໍຈະເຮັດໃຫ້ມີຜົນກະທົບທີ່ອັນຕະລາຍຕໍ່ສຸຂະພາບຮ່າງກາຍໄດ້.
+8562059923282
- 2
โฆษณา
- ดาวน์โหลดแอปพลิเคชัน
- © 2024 Blockdit
