ສັ່ງເກດອະໄວຍະວະພາຍນອກບົ່ງບອກເຖິງຄວາມຜິດປົກກະຕິຂອງອະໄວຍະວະພາຍໃນ
ຫົວໃຈ
ຫົວໃຈເປັນອະໄວຍະວະພາຍໃນທີ່ສຳຄັນຢ່າງຍິ່ງຕໍ່ມະນຸດ ແລະ ສັດ ການທີ່ຈະດຳລົງຊີວິດຢູ່ໄດ້ນັ້ນກໍຕໍ່ເມື່ອວ່າມີຫົວໃຈນັ້ນເອງ ເພາະວ່າຫົວໃຈເຮັດຫນ້າທີ່ສຳຄັນໆຫລາຍຢ່າງໃນຮ່າງກາຍເປັນຕົ້ນແມ່ນປ້ຳ ຫລື ສູບສີດເລືອດເພື່ອນຳພາເອົາອ໊ອກຊີເຈນ ແລະ ແຮ່ທາດອາຫານຕ່າງໆມາລ້ຽງທຸກພາກສ່ວນຂອງຮ່າງກາຍ ຫົວໃຈແບ່ງອອກເປັນ 4 ຫ້ອງ ມີ 2 ຫ້ອງເທິງ ແລະ 2 ຫ້ອງລຸ່ມ ແລະ ແບ່ງເປັນ 2 ຊີກ ຫົວໃຈຊີກຂວາຮັບເລືອດທີ່ໃຊ້ໄປແລ້ວຈາກຮ່າງກາຍ ເພື່ອສູບສີດໄປຫາປອດເພື່ອຮັບອ໊ອກຊີເຈນ ເລືອດທີ່ມີອ໊ອກຊີເຈນກໍຈະກັບເຂົ້າໄປຫາຫົວໃຈຊີກຊ້າຍ ແລະ ກໍຈະຖືກສູບສີດເລືອດຜ່ານເສັ້ນເລືອດໃຫຍ່ໄປຫາທຸກພາກສ່ວນຂອງຮ່າງກາຍ ນີ້ຄືການທຳງານຂອງຫົວໃຈ ຊຶ່ງຖືວ່າເປັນຫນ້າທີ່ທີ່ສຳຄັນ ແລະ ທຳງານຢູ່ຕະຫລອດເວລາບໍ່ມີວັນພັກຜ່ອນ ຊຶ່ງແນ່ນອນການໃຊ້ງານຢ່າງຕໍ່ເນື່ອງແບບນີ້ ກໍປາສະຈາກບໍ່ໄດ້ເລື່ອງຂອງຊຸດໂຊມ ຫລື ອ່ອນແຮງ ຖ້າປຽບທຽບກັບເຄື່ອງຈັກ ເຄື່ອງຈັກທຳງານຍັງມີເວລາພັກເຄື່ອງ ແລະ ມີການສ້ອມແຊມບຳລຸງຮັກສາ ແຕ່ຫົວໃຈຂອງຄົນເຮົາ ເຮົາບໍສາມາດເບື້ອງໄດ້ໂດຍຕາເປົ່າວ່າສຳຫລຸດບ່ອນໃດ ເປເພບ່ອນໃດ ນັ້ນຈິ່ງເປັນສາເຫດເຮັດໃຫ້ຄົນເຮົາປ່ວຍແລ້ວຕ້ອງເຂົ້າໄປໂຮງຫມໍເພື່ອຮັບການຮັກສາປິ່ນປົວນັ້ນເອງ ດັ່ງນັ້ນເຮົາຈຶ່ງມີວິທີການສັງເກດອະໄວຍະວະບາງສ່ວນຊຶ່ງບົງບອກເຖິງອາການຜິດປົກກະຕິຫລືເຊື່ອມໄປຂອງຫົວໃຈມາຝາກທຸກທ່ານເພື່ອເປັນວິທີການປົກປ້ອງ ດູແລກ່ອນປ່ວຍ ຈາກສາດແພດແຜນຈີນ.
1. ຕິ່ງຫູ ໃຫ້ສັງເກດຕິ່ງຫູຂອງທ່ານ ຖ້າຫາກຕິ່ງຫູຂອງທ່ານມີຮອຍຂີດລວງຕັ້ງທີ່ຕິ່ງຫູນັ້ນຫມາຍຄວາມວ່າຫົວໃຈຂອງທ່ານເລີ່ມມີປັນຫາ.
2. ເກງດັງ ໃຫ້ທ່ານສັງເກດທີ່ເກງດັງຂອງທ່ານຊຶ່ງຢູ່ລະຫວ່າງກາງດວງຕາຊ້າຍ ແລະ ຂວາ ຂອງທ່ານ ຖ້າເກງດັງມີຂີດລວງຂວາງຄ້າຍຄືຮອຍແຫວຍົ້ນນັ້ນສະແດງວ່າຫົວໃຈຂອງທ່ານເລີ່ມມີປັນຫາ.
3. ລີ້ນ ໃຫ້ທ່ານສັງເກດເບິ່ງລີ້ນຕົນເອງດ້ວຍການແຍງແວນແລ້ວອ້າປາກແມນລີ້ນອອກມາຖ້າສັງເກດເຫັນວ່າລີ້ນຂອງທ່ານເປັນຮອຍແຂ້ວນັ້ນສະແດງວ່າທ່ານມີຄວາມສ່ຽງດ້ານໂຣຄຫົວໃຈ.
4. ປວດຫລັງເບື້ອງຊ້າຍ ຊຶ່ງຢູ່ບໍລິເວນແຖວລຸ່ມຫົວບ່າໄລ່ລົງມານ່ອຍນຶ່ງ ອາການນີ້ສະແດງເຖິງທ່ານມີປັນຫາດ້ານຫົວໃຈ ແລະ ສ່ຽງເປັນໂຣຄຫົວໃຈ.
5. ປວດມືນບ່າໄລ່ເບື້ອງຊ້າຍລາມມາຮອດແຂນ ອາການແນວນີ້ບົງບອກເຖິງທ່ານມີປັນຫາດ້ານຫົວໃຈ ແລະ ສ່ຽງເປັນໂຣຄຫົວໃຈ.
6. ເຈັບຈີດ ຫລື ແຫນ້ນຫນ້າເອິກເບື້ອງຊ້າຍເປັນຄັ້ງຄາວ ນັ້ນສະແດງວ່າຫົວໃຈມີປັນຫາ.
7. ຫນ້າມືດ ຖ້າອາການນີ້ເກີດຂຶ້ນກັບທ່ານເປັນປະຈຳໃນຂະນະທີ່ນັ່ງ ຫລື ກົ້ມຫນ້າເຮັດວຽກແລ້ວລຸກຂຶ້ນແລ້ວເກີດມີອາການຫນ້າມືດ ນັ້ນກໍເປັນອີກອາການນຶ່ງຊຶ່ງສະແດງເຖິງປັນຫາຂອງຫົວໃຈເຊັ່ນກັນ.
ແນ່ນອນວ່າທຸກຄົນເຮົາໃຜໆກໍລ້ວນແລ້ວແຕ່ມີຫົວໃຈກັນທັງນັ້ນເລີຍ ດັ່ງນັ້ນຄວນສັງເກດ ເບິ່ງຕົນເອງ ແລະ ປົກປ້ອງດູແລຫົວໃຈຂອງທ່ານໃຫ້ດີໂດຍບໍ່ໃຫ້ມີປັນຫາ ຫລື ປ່ວຍ ຖ້າຫາກຫົວໃຈທ່ານປ່ວຍ ຫລື ມີປັນຫາ ນັ້ນກໍຈະນຳມາຊຶ່ງອັນຕະລາຍຕໍ່ສຸຂະພາບ ແລະ ຊິວິດ ພ້ອມທັງຊັບສິນຂອງທ່ານອີກດ້ວຍ ດັ່ງນັ້ນຖ້າທ່ານປ່ວຍແລ້ວທ່ານເປັນພາລະໃຫ້ໃຜແດ່?
ປົກປ້ອງດູແລກ່ອນປ່ວຍເປັນທາງອອກທີ່ດີ
+8562059923282
- 2
โฆษณา
- ดาวน์โหลดแอปพลิเคชัน
- © 2024 Blockdit
