๑๔/๐๙/๒๕๖๔
แสงสีทองส่องฟ้า นกกาเชิ่นหากิน
แนวถวิลมวลแมง ผ่านพอเพียงพ้น
คือกับคนเฮานั่น ในอุทรยังผ่าว
หนาวในคีงต่อนเนื้อ ยังดิ้นอ่อนระทวย
ลมหายใจหนึ่งด้วย ยังแลนสรรพางกาย
เฮายังหมายผสงค์หา ต่อลมหายใจไว้
ประทังเอาลงใส้ พอไปเพียงผ่าน
บุบืนงานต่อสู้ มีแฮงก้าวต่อไป
อย่ากินข้าวแล้วได้ เบ่งข่มชาวชน
อย่าเอาตนคอยเบียน ผูมีกำลังด้อย
กินแล้วคอยทำฮ้าย หมายปองทางชั่ว
กินแล้วมัวนั่งคร้าน งานนั่นบ่หมั่นสาง
ขี้ตาเว็นสีแดงแป้ดเลยเช้านี้ ฝนอิตกหนักติหึ๊
ห่างหายไปโดนเติบ ต้องกราบขออภัยทุกท่านที่ติดตาม โทรศัพท์ฮ้าง ล่าสุดติดเชื้อ กักตัวรักษาตัวเอง กักตัวครบแล้ว งูเขียวหางไหม้มากัดอีก ชวยดับเบิ้ลชวยคัก ปีนี้ อยู่ดีมีแฮงชุคนครับผม
โฆษณา
- ดาวน์โหลดแอปพลิเคชัน
- © 2025 Blockdit
