[I'tid] "_เจ้าผูพั่วดอกหญ้า.. เกิดเทิงคันแทนาเพิ่นบ่ได้ปลูกหว่าน.. _ส่างมาบานอวดเอ้ทำเลหม่องบ่ค่องดี _จักมื้ออื่นมื้อนี่ ฤ หลายมื้อคืนหลัง _เพิ่นสิมาถางลงบ่จ่งตอเหลือก้าน

มีบัญชีอยู่แล้ว?หรือ

•

12 ก.ย. 2021 เวลา 12:25 • การเกษตร

"_เจ้าผูพั่วดอกหญ้า.. เกิดเทิงคันแทนาเพิ่นบ่ได้ปลูกหว่าน..

_ส่างมาบานอวดเอ้ทำเลหม่องบ่ค่องดี

_จักมื้ออื่นมื้อนี่ ฤ หลายมื้อคืนหลัง

_เพิ่นสิมาถางลงบ่จ่งตอเหลือก้าน

_เปรียบคือคนอีสานนั้น.. ได้หากินไปคู่แห่ง

_มีความฮักความแพง..เป็นต่างดอกออกก้านได้บานอ้าอวดซู

_เพิ่นผู้มีเงินล้นกะขนเงินมาถากก่น

_ถิ่มใส่หน้าความจน คนอีสานบานดอกเบี้ย

_บ่เหลียไว้ให้งอกเงย.... สั่นแหล่วววพี่น่อง"‼️

"ผญาสะท้อนสังคม"

ดอกหญ้าหน้าหนาว

"วาสนาซาตาส่วย ใจล้มอ่วยมันซวยหลาย..

จั่งบรรยายเป็นคำกลอน แต้มอักษรเป็น

กลอนฟ้อง..

อันเจ้าของบ่พอได้ ป้ำไม้ใหญ่บ่มีขวาน..

มีแต่ควัญบ่มีไฟ เลยทุกข์ใจได้นอนโอ้..

แนวบุญโตบ่สมช้าง ผัดหาทางซื้อกะแย่ง..

หมากกะแล่งแมนอยากค้อง คอช้างแม่นบ่คือ

แต่นี้ไปอย่าคิดดื้อ ให้เจ้าจื่อเด้อใจจำ...

สมแต่ดำนาผง ได้โก่งหลังขึ้นเทิ่งฟ้า...

แนวเกิดมาผู่ขี่ฮ้าย คือกระต่ายสิหมายจันทร์

ฝันสลายกลายเป็นทุกข์ ได้นอนอุกอกทั่งเอ่า

หวังสิกินแกงปลาย่าง ไปผิดทางได้จ้ำแจ๋ว..

บ่มีแววดวงขี้ล่าย แนวเป็นได้กะแค่ฝัน...

ซุคืนวันได้โอ้อ้าว บอกใจเฮาให้ปลงตก...

แฮงบ่มีอย่าหวังยก โอ่งแดงไปวางตั้ง...

เหมิดความหวังเคียงดอกฟ้า ไปหาจับบักจกหล่อน...

เป็นกรรมกรรับจ้าง สืบคลองสร้างอยู่ท่งนา..

อยู่กับดินกินกับหญ้า เป็นชาวนาอยู่คือเก่า...

สิสู้เขาผุรวยแบงค์ เหมิดแฮงแล้วล้าหล่อยลง..... พีน่องเอ้ยยยย... พีน่องเอ่ยยยย.."

"ต้นข้าวเช้าสดใส"

"ตะเวนค่ำลงแล้ว.. นกฮ้องแซวคืนคอนเก่า

เสียงทักทายจาเว้า.. คนฮ้องเอิ้นใส่กัน

แสงไฟจากในบ้าน.. บอกสัญญาณคนคืนต่าว

ออกไปนาตั้งแต่เซ้า.. ค่ำแลงแล้วได้ต่าวมา

เสียงพ่อลุง แม่ป้า.. เอิ้นถามมาแต่ใต้ล่าง

"ได้หยังใส่แลงบ้าง".. แลงนี้สิกินหยัง"

.. พี่น้องเอยยย‼️

"ยามเย็น"

โฆษณา