มื่อนี้มีเรื่องเล่า🤭🤭🤭
ชีวิตในวัยเยาว์
เห็นกล้าแล้วกะขี้คร้านเด้พี่น้อง
ตั้งแต่มืนตา (ลืมตา) ขึ้นมาจนจำความได้กะเห็นแต่ไฮ่แต่นานี้ละพี่น้องเอ้ย แนวพ่อแม่เพิ่นพาเฮ็ดนาสมัยนั้นบ่มีดอกรถไถน้อยไถใหญ่มีแต่ควายบักตู้อีตู้เทิ่งโตด่อน (เผือก)โตดำยามอีพ่อเพิ่นไถคาดกะพากันย่างนำก้นเพิ่นจับเอาปลาขี้คาดม่วนหลายจับได้โตใด่กะเอามาอ้างกันบ่ได้ดำดอกนาพากันเล่นตมม่วนกุ๊บ ตอนนั้นยังเป็นเด็กน้อย 3-4 ปีพ่อกับแม่บ่ทันให้ดำนามันสิหักคอกล้าบ่ได้กินข้าวเพิ่นว่าพอใหญ่มาจักน่อยนี้ติค้านปานใด่กะได้ดำคือเก่า เลิกโรงเรียนมากะต้องมาหลก (ถอน)กล้าให้เพิ่นมันเป็นอีหยังที่ค้านสุดๆไปเลยเด้พี่น้อง
บ่แม่นแนวมันสิเฮ็ดง่ายเด้อหลกกล้านั่นบางเทือกะหยาบหลายถอนกะบ่ขึ้นบางเทือกะถอนง่ายโพดง่ายแบบขี้ตมโอบขึ้นมาจักสามกิโลติดมานำกล้านั้นพากันเตะจนขาหล่อยบางเทือนี้กล้าช้ำเบิ่ดพี่น้อง ข่อยกะเป็นคนสีฉลาดแน่เนาะข่อยกะทำท่าเตะให้มันช้ำมันหักหลายๆพออีพ่อกับอีแม่เห็นเพิ่นกะไล่ข่อยหนีเพิ่นย่านกล้าตายบ่ดำนา😄 กะสบายข่อยแล้วเนาะทีนี้ บ่เคยหลกกล้าได้เกิน 5 มัดจักเทือเด้พี่น้องเทิ่งค้านเทิ่งเจ็บมือเนาะกะหาออกป่องขาดไปเล่นยุเทิ่งต้นค้อพุ้นแล้วข่อยนอนร้องเพลงสบายใจเฉย😁 การเฮ็ดนานี้บ่แม่นเรื่องง่ายเด้อพี่น้อง
กว่าจะได่ข้าวมาให้ได้กินมันหลายขั้นหลายตอนลำบากคักคนเฮ็ดแต่ยามกินนี้แซ่บหลายเด้อพี่น้อง สมัยนั้นมีตะค้านกับค้านบ่ได้ใส่ใจว่าพ่อแม่เพิ่นลำบากดอกเล่นเอาม่วนตามปะสาเด็กน้อยเล่นน้ำเกียกตม จับปูจับปลาไล่จับตั๊กแตน ก่นจิ๊บโป่มม่วนหลายๆ หาจับกบจับเขียดสมัยนั้นบ่ได่ซื้อกินมีตะหาเอาเด้อพี่น้องแทบจะบ่ได้ใช้เงินเลย เอาแค่นี้ก่อนเนาะพี่น้องสำหรับช่วงนี้มีตะม่วนอย่างเด่วเด่วเมื่อยกะนอนหิวกะกินบ่มีเรื่องให้เครียดจ้า
โฆษณา
- ดาวน์โหลดแอปพลิเคชัน
- © 2024 Blockdit
