มื่อนี้มีเรื่องเล่า🤫🤫🤫
เว้าพื้นผัว (1)
พี่น้องเอ้ยมื่อนี้สิมาเว้าพื้น (นินทา) ผัวสู่หมู่เจ้าฟัง ผัวหมู่เจ้าเป็นคือผัวข่อยบ่แบบว่าคั่นให้เฮ็ดเวียกนั้นบ่ว่าสิเฮ็ดอีหยังกะตามนางนี้สิต้องหาเครื่องทุ่นแรงอุปกรณ์ประกอบฉากเอาชนิดว่าจะต้องให้สมบูรณ์แบบต้องเพอร์เฟคนางค่อยสิเฮ็ดได้ ข่อยสิยกตัวอย่างเด้อคั่นเฮาบอกว่าพ่อมึงเติมน้ำใส่บ่อให้ควายกินแน่เด้อควายมันฮ้อนจักน้ำเบิ่ดตะตอนใด่นางกะตอบว่าเอ่อๆ รู้บ่ว่าเอ่อๆของนางนั้นมันโดนส่ำใด่โดนจนข่อยตักน้ำจากสระมาเติมให้ควายจนเต็มพุ้นละพี่น้องเอ้ยเมื่อยข่อยกะอดเอาย่านควายตายน้ำ(ไม่มีน้ำกิน)เจ้าฮู้บ่ว่า
ผัวข่อยเฮ็ดอีหยังนางคุมซ่อมปั๊มพี่น้องงงงงง ปั๊มนั้นนะมันพังได้สองมื่อแล้วหลังจากดูดน้ำมาให้ควายแล้วมันกะพังแต่นางบ่ซ่อมตั้งแต่มื่อมันพังคิดออกบ่พี่น้อง นางมาซ่อมใช้เอามื่อน้ำควายเบิ่ดแล้วอากาศกะฮ้อนนนนนอีหลีพอบอกเติมน้ำให้ควายเสือกมาซ่อมปั๊ม โอ้ยกะไปตักมาใส่บ่อพอให้ควายได้กินแน่เห็นว่ากะยังว่าเร่งด่วน!!!อันนี้มานั่งซ่อมปั๊มสบายใจเฉิบทางข่อยละลิ้นห้อยแล้วย่างตักน้ำให้ควายนั้นข่อยกะบ่รู้ว่าข่อยฟ่าวหรือเขาใจเย็นดอกอันนี้กะดาย😩😩😩😩😩
โฆษณา
- ดาวน์โหลดแอปพลิเคชัน
- © 2024 Blockdit
