[ฮีตครรลองครองอีสาน] #ยอดผญาก้อม #ผญาเกี้ยวชายหญิง ๑.บั้นอ่าวกระสัน (คิดผูกพัน) ช(ชาย) = โอยนอน้องเอ้ย เมื่อบ่ไขรหัสให้บ่เห็นใจนกขี่ถี่ ทางปากฮ้องพืดพึ้งพืดพึ้ง ไสเลี้ยวใส่แต่ปูนั้นแหล่ว.

มีบัญชีอยู่แล้ว?หรือ

•

2 ส.ค. 2022 เวลา 00:58 • ปรัชญา

#ยอดผญาก้อม

#ผญาเกี้ยวชายหญิง

๑.บั้นอ่าวกระสัน (คิดผูกพัน)

ช(ชาย) = โอยนอน้องเอ้ย เมื่อบ่ไขรหัสให้บ่เห็นใจนกขี่ถี่ ทางปากฮ้องพืดพึ้งพืดพึ้ง ไสเลี้ยวใส่แต่ปูนั้นแหล่ว.

ญ(หญิง) = ฟ้าบ่เฮฮ่ำฮ้องซิไห้อึ่งลงลอยไสเด ลมบ่มาเชยพัดซิให้เตยติงต้นเป็นบ้อ.

ช = นกบ่กูนาแฮ้วปะจินายดิ้นอยู่ดั้นดั่น กบบ่เตี้ยงต่อห้วย หน้าน้อยอยากป่อนยิงเบิ่งเด.

ญ = พี่นั้นเป็นดั่งจอกอยู่น้ำฮากหยั่งขึ้นเวหนไหล เวินไปเวินมาส่วนบ่เวินมาใกล้ดอกตี้.

ช = ครั้นบ่จริงพี่บ่เว้าแนวหมากม่วงขบโผะ ย้านแต่เกลือซิบ่กูณาผายม่วงดองซิเค็มได้บ่เด.

ญ = แนวหลังกุ้งมันหากงอแต่ผัดเกิด สากกะเบือบ่มาเหยียดให้ หลังกุ้งเหยียดบ่เป็นอ้ายเอย.

ช = เหลือตนหมาในเด สังอยากนอนนำเสือโคร่งขี้ฝุ่นไฟผ้าห่มเจ้า สังเตี้ยงห่มหนังเสือ พุ้นนอ.

ญ = หลูตนเป็ดเด่ อยากนอนคอนซ้อนไก่ ตีนเปิ่มเปอะเปิ่มเป้อ ปีนขึ้นผั่นมื่นลง.

ช = โอนอน้องเอย อดพอเอาปลีกล้วยไปปลูกบ่อนกลางสวน ลางห่าภาษาสัตว์ ก่างกาได้กินกล้วยนั้นเด่.

ขอขอบคุณข้อมูลจาก : หนังสือประมวลภาษิต ยอดผญาก้อม โดย ช.ศิษย์นักประพันธ์ ตรวจชำระโดย ท่านพระครูบุญชยากร.

ภาพหนุ่มสาวเมืองน่านมาพบปะพูดคุย เกี้ยวพาราสีกัน จิตรกรรมฝาผนังในพระอุโบสถวัดภูมินทร์

โฆษณา