"ຮັກໃຜຈຶ່ງບໍ່ຜິດຫວັງ"
ກ່ອນອື່ນຕ້ອງເຂົ້າໃຈກ່ອນວ່າ ຄວາມຮັກ ຄືການໃຫ້ ແລະ ຄວາມຮັກເປັນສິ່ງທີ່ສວຍງາມສະເໝີ. ໃນໂລກນີ້ບໍ່ມີໃຜກາລັນຕີໄດ້ວ່າ ໃຜຊິເຮັດໃຫ້ເຮົາຜິດຫວັງ ຫຼື ສົມຫວັງ. ຄວາມຮັກເປັນເປັນສິ່ງທີ່ບໍ່ແນ່ນອນທີ່ສຸດໃນໂລກ; ມື້ນີ້ເຮົາຮັກກັນ ມື້ອື່ນເຮົາອາດຈະເລີກກັນ. ທຸກຄົນທີ່ເຂົ້າມາໃນຊິວິດເຮົາ ມັນມີເຫດຜົນ ແລະ ຊ່ວງເວລາຂອງມັນ ຄືກັບລະດູການຂອງດິນຟ້າອາກາດ ເມື່ອຮອດລະດູມັນກໍຈະປ່ຽນໄປ.
ຄືກັບຄົນເຮົາ ເວລາຄົບກັບໃຜ ຊ່ວງທຳອິດກໍຄືວ່າດີໄປໝົດທຸກຢ່າງ ເພາະເຮົາຍັງບໍ່ເຫັນຕົວຕົນຂອງກັນ ແລະ ກັນຢ່າງແທ້ຈິງ. ເຮົາຈິນຕະນາການໄປເອງວ່າເຂົາຕ້ອງເປັນແບບນີ້ແບບນັ້ນ ເພາະເຂົາບໍ່ໄດ້ເປັນໄປຕາມທີ່ເຮົາຄິດ ເຮົາກໍຈະເສຍໃຈ ແລ້ວພະຍາຍາມປ່ຽນເຂົາ. ນານໄປກໍເກີດຄວາມບໍ່ເຂົ້າໃຈ ແລະ ເລີກລາກັນໄປໃນທີ່ສຸດ.
#ຮັກໃຜຈຶ່ງຈະບໍ່ຜິດຫວັງ? ຄຳຕອບຄື ຮັກຄົນທີ່ເຂົາເຂົ້າໃຈເຈົ້າ, ຮັບໃນຕົວເຈົ້າໄດ້ ແຕ່ເຈົ້າກໍຕ້ອງມັກ ແລະ ຮັກເຂົາແດ່ ເພາະຖ້າເຈົ້າບໍ່ມັກເຂົາ ມັນຈະເປັນການຝືນໃຈຫຼາຍກວ່າ. ແຕ່ທັງນີ້ທັງນັ້ນ ເຈົ້າກໍຕ້ອງເຂົ້າໃຈເຂົາ ແລະ ໃສ່ໃຈເຂົາຄືກັນ, ປັບຈູນເຂົ້າຫາກັນ, ສ້າງເປົ້າໝາຍໃຫ້ໄປໃນທາງດຽວກັນ, ຊື່ສັດ, ເຊື່ອໃຈກັນ, ໃຫ້ກຽດກັນ ແລ້ວຄວາມຮັກຈຶ່ງຍືນຍາວ ແລະ ບໍ່ຜິດຫວັງ.
ແຕ່ອີກວິທີ1ທີ່ຈະບໍ່ເຮັດໃຫ້ເຮົາຜິດຫວັງທີ່ດີທີ່ສຸດກໍຄື ຢຸດຄາດຫວັງຈາກຄົນຮັກ, ຢຸດຄາດຫວັງຈາກຄົນອື່ນ ແລ້ວກັບມາຮັກຕົວເອງ, ພັດທະນາຕົວເອງໃຫ້ດີຂຶ້ນ ແລະ ສ້າງພູມຄຸມກັນໃຫ້ຕົວເອງໃຫ້ເຂັ້ມແຂງ ເພາະບໍ່ມີໃຜທີ່ຈະຢູ່ກັບເຈົ້າຕະຫຼອດໄປ, ຖ້າມື້ໜຶ່ງບໍ່ມີໃຜເຈົ້າຈະຍັງຢູ່ໄດ້ຢ່າງມີຄວາມສຸກ.
#ຢຸດຄາດຫວັງ
#ຮຽນຮູ້ທີ່ຈະເຂົ້າໃຈ
#ຮັກຕົວເອງໃຫ້ຫຼາຍໆ
- 1
โฆษณา
- ดาวน์โหลดแอปพลิเคชัน
- © 2024 Blockdit
