ເປັນຫຍັງຄົນທີ່ແສນດີຈຶ່ງຖືກເທ?
ຫຼາຍຄົນອາດຈິເຄີຍໄດ້ຍິນວ່າ ຄົນດີບໍ່ມີໃຜເອົາ, ເຂົາບໍ່ໄດ້ມັກຄົນດີ ແຕ່ເຂົາມັກຄົນທີ່ຖືກໃຈ. ຜູ້ຍິ່ງມັກແຕ່ຜູ້ຊາຍຊົ່ວໆ, ຜູ້ຊາຍມັກແຕ່ຜູ້ຍິງງາມໆເຖິງຈະນິໄສບໍ່ດີກໍຕາມ. ມື້ນີ້ເຮົາມາສັງເກດເບິ່ງພຶດຕິກຳຂອງ ຜູ້ຍິງ ຫຼື ຜູ້ຊາຍທີ່ແສນດີວ່າເປັນຫຍັງຈຶ່ງຖືກເທມາຕະຫຼອດ.
#ເຫດຜົນທີ່ຜູ້ຊາຍແສນດີ ແຕ່ຖືກເທຖິ້ມ ກໍເພາະວ່າໄດ້ເຮັດພຶດຕິກຳດັ່ງນີ້:
1. ຜູ້ຊາຍທີ່ແສນດີແຕ່ບໍ່ມັກດູແລຕົວເອງ
ຄືທີ່ເຂົາວ່າຫັ້ນລະຖ້າເຮົາມີແຟນທີ່ມີບຸກຄະລິກະພາບດີ, ດູແລຕົວເອງເກັ່ງ ກໍຈະເປັນໜ້າເປັນຕາໃຫ້ກັບຜູ້ຍິງ. ຜູ້ຊາຍທີ່ບໍ່ດູແລຕົວເອງ, ບໍ່ສະອາດເຮັດໂຕຊຸດໂຊມຄືຜີ ບໍ່ມີຜູ້ຍິ່ງຄົນໃດທົນໄດ້. ຜູ້ຊາຍບາງຄົນອາດຈະເວົ້າວ່າ: ຢ່າຕັດສິນຄົນທີ່ພາຍນອກ ແຕ່ທຸກສິ່ງທີ່ສະແດງອອກລ້ວນແຕ່ມາຈາກພຶດຕິກຳພາຍໃນ. ຂະໜາດໂຕເຈົ້າຍັງດູແລຕົວເອງບໍ່ໄດ້ດີ ເເລ້ວເຈົ້າຊິດູແລຜູ້ຍິງໄດ້ແນວໃດ.
2. ຜູ້ຊາຍທີ່ເວົ້າຕົງເກີນໄປ
ແມ່ນຢູ່ວ່າຜູ້ຊາຍທີ່ເວົ້າຕົງເກີນໄປຄືຜູ້ຊາຍທີ່ຈິງໃຈ ແຕ່ບາງຄັ້ງມັນກໍທຳລາຍຄວາມຮູ້ສຶກຂອງຜູ້ຍິງ. ເພາະມັນຄືກັບວ່າເວົ້າແທງໃຈດຳໃສ່. ຜູ້ຊາຍຄວນທີ່ຈະມີວິທີເວົ້າທີ່ສ້າງສັນ ຫຼາຍກວ່າເວົ້າກະແທກກະທັ້ງໃສ.
3. ຜູ້ຊາຍທີ່ເວົ້າໜ້ອຍ ຫຼື ບໍ່ມັກເວົ້າເລີຍ
ບໍ່ມີຜູ້ຍິ່ງຄົນໃດທີ່ຈະມັກຜູ້ຊາຍທີ່ສື່ສານບໍ່ເປັນ ຫຼື ຜູ້ຊາຍທີ່ບໍ່ມັກເວົ້າ. ເພາະເຮັດໃຫ້ຜູ້ຍິງເດົາໃຈຍາກ ວ່າເຈົ້າຄິດຫຍັງຢູ່, ຕ້ອງການຢາກຈະເວົ້າຫຍັງ ແລະ ພໍ່ແມ່ພີ່ນ້ອງຂອງຝ່າຍຍິງກໍຄົງຈະບໍ່ໂອເຄກັບຜູ້ຊາຍທີ່ບໍ່ຊ່າງເວົ້າຊ່າງວ່າ.
4. ຜູ້ຊາຍທີ່ບໍ່ຄ່ອຍສົນໃຈຄົນຮັກ
ຜູ້ຍິ່ງທຸກຄົນມັກຜູ້ຊາຍທີ່ຮູ້ໃຈ, ເອົາໃຈ, ໃສ່ໃຈ ເວລາທີ່ເຂົາງອນເຈົ້າຕ້ອງຮູ້ ແລະ ງໍ້ເຂົາໃຫ້ເປັນ. ບໍ່ແມ່ນ ແຟນຄຽດ ຫຼື ນ້ອຍໃຈກໍບໍ່ຮູ້ເລື່ອງຫຍັງເລີຍ. ແບບນີ້ຜູ້ຍິງເຂົາບໍ່ເອົາເດີ.
5. ຜູ້ຊາຍທີ່ດີກັບຄົນຮອບຂ້າງທຸກຄົນ
ຜູ້ຍິງບໍ່ມັກຜູ້ຊາຍທີ່ດີກັບທຸກຄົນທີ່ຢູ່ຮອບຂ້າງ, ແຄຄວາມຮູ້ສຶກຂອງຄົນອື່ນຫຼາຍເກີນໄປ. ຜູ້ຊາຍແບບນີ້ມັກເອົາຄວາມສຸກໄປຜູກມັດກັບຄົນອື່ນ ບໍ່ມີຄວາມສຸກໃນການຢູ່ຄົນດຽວ ຫຼື ຢູ່ຄົນດຽວບໍ່ໄດ້. ເຮັດໃຫ້ຜູ້ຍິງຮູ້ສຶກວ່າເຈົ້າໄຮ້ຄ່າ ບໍ່ເກັ່ງພໍທີ່ຈະເຂັ້ມແຂງ ແລະ ຢູ່ໄດ້ດ້ວຍຕົວເອງ.
6. ຜູ້ຊາຍທີ່ພະຍາຍາມທຸ່ມເທ ຈົນຜູ້ຍິງຮູ້ສຶກອຶດອັດ
ຜູ້ຊາຍບາງຄົນມັກຜູ້ຍິງຈົນຍອມທຸ່ມເທ, ສະຫຼະທຸກຢ່າງ ຈົນເຮັດໃຫ້ຜູ້ຍິງຮູ້ສຶກອຶດອັດ, ເບື່ອ, ລຳຄານ. ເຮັດໃຫ້ຜູ້ຍິງຮູ້ສຶກວ່າ ຜູ້ຊາຍຄົນນີ້ພຸ່ງຄວາມສົນໃຈມາຫາແຕ່ຕົວເອງ, ບໍ່ໃຫ້ພື້ນທີ່ສ່ວນຕົວ. ອາດເຮັດໃຫ້ຜູ້ຍິງຄິດວ່າເຈົ້າບໍ່ມີເປົ້າໝາຍ, ບໍ່ມີຫຍັງເຮັດ, ຢູ່ຄົນດຽວບໍ່ໄດ.
7. ຜູ້ຊາຍທີ່ມັກດູຖູກຕົວເອງ, ເຮັດໂຕໜ້າສົງສານ
ຜູ້ຊາຍທີ່ມັກບອກວ່າຕົວເອງຂີ້ຮ້າຍ, ຈົນ ໃຜຊິໄປເອົາ, ໃຜຊິຮັກ...ໃນເມື່ອເຈົ້າເວົ້າແບບນີ້ ແລ້ວຜູ້ຍິງຢູ່ໃສຊິໄປຮັກ ເຂົາອາດຄິດວ່າ ໃນເມື່ອຂະໜາດຄົນອື່ນຍັງບໍ່ຮັກ, ຍັງບໍ່ເອັາເຈົ້າ ແລ້ວເປັນຫຍັງຂ້ອຍຈະຕ້ອງໄປຮັກ-ໄປມັກ-ໄປເອົາເຈົ້າ.
8. ດີເກີນໄປ ຈົນເດົາທາງອອກງ່າຍ.
ເຮັດໃຫ້ຜູ້ຍິງຮູ້ສຶກວ່າ ຜູ້ຊາຍຄົນນີ້ບໍ່ມີຄວາມສະຫຼາດ, ດີເກີນໄປຈົນຄືຄົນຊື່, ຄົນໂງ່ ເຮັດໃຫ້ຜູ້ຍິງບໍ່ມີຄວາມຕື່ນເຕັ້ນ, ອ່ານເກມງ່າຍ, ບໍ່ມີຄວາມທ້າທາຍ.
9. ຜູ້ຊາຍທີ່ບໍ່ມີຄວາມເປັນຜູ້ນຳ
ຜູ້ຍິງບໍ່ມັກຜູ້ຊາຍ ທີ່ຂີ້ຢ້ານ, ຊິເຮັດຫຍັງກະຢ້ານໄປໝົດ, ບໍ່ກ້າຕັດສິນໃຈຫຍັງ, ບໍ່ມີຄວາມຮັບຊອບ, ຊິເຮັດຫຍັງກໍຢ້ານແຕ່ຈະຜິດພາດ ຫຼື ໃຫ້ຜູ້ຍິງພາເຮັດ, ຜູ້ຊາຍແບບນີ້ຈະເປັນທີ່ເພິ່ງ ແລະ ທີ່ປຶກສາໃຫ້ຜູ້ຍິງບໍ່ໄດ້.
ຜ່ານໄປແລ້ວສຳລັບຜູ້ຊາຍທີ່ແສນດີ ແຕ່ບໍ່ມີໃຜເອົາ. ຕໍ່ໄປເຮົາຈະມາເບິ່ງຜູ້ຍິງທີ່ແສນດີກັນ
ທຳມະດາສາວທີ່ແສນດີຄວນຈະຄູ່ຄວນກັບຄວາມຮັກທີ່ດີ ແຕ່ມັນຈະມີຈັກຄົນທີ່ແສນດີແລ້ວພົບກັບຜູ້ຊາຍທີ່ດີຄືກັນ. ຈົນເຮັດໃຫ້ຜູ້ຍິງຫຼາຍຄົນຄິດວ່າ: ຈະແສນດີໄປເຮັດຫຍັງ ເຂົາເລືອກຄົນຖືກໃຈບໍ່ໄດ້ເລືອກຄົນດີ.
#ເຫດຜົນທີ່ຜູ້ຍິງແສນດີຖືກຖິ້ມ
ຜູ້ຍິງທີ່ແສນດີທຸກຄົນສ່ວນໃຫຍ່ຈະເປັນຄົນທີ່ມັກຍອມໃຫ້ກັບຜູ້ຊາຍ; ບໍ່ວ່າຜູ້ຊາຍຊີເຮັດຫຍັງກໍຕາມໃຈເຂົາທຸກຢ່າງ, ບໍ່ຊາຍເວົ້າຫຍັງເຊື່ອ, ຜູ້ຊາຍເຮັດຊົ່ວໃສ່ສຳໄດກໍຍັງຢູ່, ເຂົາຕັບເຂົາຕີຊິຕາຍກໍຍັງເລືອກທີ່ຈະຢູ່ກັບເຂົາ. ຜູ້ຍິງຈຳພວກນີ້ສ່ວນຫຼາຍຈະເປັນຄົນທີ່ຍຶດຕິ, ບໍ່ປ່ອຍວາງ, ເອົາໃຈຄົນອື່ນຫຼາຍເກີນໄປ, ຮັກດຽວໃຈດຽວໂດຍບໍ່ເບິ່ງໂລກແຫ່ງຄວາມເປັນຈິງ,
ຍັງເພິ່ງພາຕົວເອງບໍ່ໄດ້, ຢູ່ຄົນດຽວໄດ້ຍາກ, ຢ້ານທີ່ຈະຢູ່ຄົນດຽວພຽງລໍາພັງ, ຮັກຜູ້ຊາຍຫຼາຍກວ່າຕັວເອງ, ມັກຍອມຜູ້ຊາຍພຽງແຄ່ຍັງຢາກມີເຂົາຢູ່ຂ້າງກາຍ,ມັກຈົ່ມປັກກັບເວລາທີ່ເສຍໄປ, ບໍ່ມີໄຫວພິບໍ, ມັກເອົາຄວາມສຸກໄປຝາກໄວ້ກັບຄົນອື່ນ,
ມັກຢູ່ໃນ Comfort zone. ເວລາມີແຟນກໍບໍ່ຄ່ອຍດູແລຕັວເອງ ປ່ອຍໃຫ້ຕົວເອງຊຸດໂຊມ ຄິດວ່າມີແຟນແລ້ວບໍ່ຕ້ອງດູດີກໍໄດ້, ເອົາເວລາທັງໝົດໄປທຸ່ມກັບຄັນຮັກ, ຢ້ານການປ່ຽນແປງ, ຢ້ານຄວາມເຈັບປວດ, ບໍ່ພັດທະນາຕົນເອງເພາະຄິດວ່າພຽງພໍແລ້ວ.
ແລ້ວນີ້ກໍຄືເຫດຜົນທີ່ຄົນແສນດີມັກຖືກເທ!!! ໃຜມີຄວາມຄິດເຫັນແນວໃດ cm ລົມກັນໄດ້
ຝາກກົດ Like , ກົດ share ແລະ ກົດຕິດຕາມ ເພຈ ຂອງແອັດມິນນຳເດີ🙏🥰
โฆษณา
- ดาวน์โหลดแอปพลิเคชัน
- © 2024 Blockdit
