ႁၵ်ႉတူဝ်ၵဝ်ႇဢွၼ်တၢင်း
မိူဝ်ႈပႆႇဝၢင်းႁူဝ်ၸႂ်ပၼ်ပိူၼ်ႈ
ယႂ်ႇၶိုၼ်ႈမႃးယဝ်ႉၸွင်ႇႁူႉဝႃႈ
ၵူႈၸိူဝ်ႉၵူႈလွင်ႈ လႅၵ်ႈလၢႆႈလႆႈ
ယူႇတႃႇသေႇ ၸႂ်ၵူၼ်းႁဝ်းၵေႃႈ
တေႃႈၼင်ႇၼၼ်။
ႁဝ်းယႂ်ႇသုင်ၶိုၼ်ႈ ႁူႉၸၵ်းၵူၼ်း
ႁူႉၸၵ်းတၢင်းႁၵ်ႉသေတႃႉ
မီးလၢႆၵေႃႉ မႃးပၼ်ႁႂ်ႈႁဝ်းႁၵ်ႉ
လႄႈ မီးလႆၢၵေႃႉ ဢၼ်ပႅတ်ႈဝႆႉ
လွင်ႈတိူဝ်ႉၸႂ်တီႈႁဝ်းဝႆႉ။
ႁဝ်းတေဢွၼ်ၵၼ်ယုမ်ႇယမ်ဝႃႈ
တၢင်းႁၵ်ႉၸႅတ်ႈၼၼ်ႉမီးယူႇတႄႉ
ၸႂ်ႈဢိူဝ်ႈ ႁၵ်ႉၸႅတ်ႈမၼ်းမီးတႄႉ
ၵူၺ်းၵႃႈႁဝ်းဢမ်ႇမီးဝၼ်းႁူႉလႆႈဝႃႈ
ၸွင်ႇတေၸႂ်ႈၵေႃႉၼႆႉယူႇႁ။
ဢၼ်ႁဝ်းႁၵ်ႉၽႂ်သေၵေႃႉၼိုင်ႈ
မၼ်းတေမၼ်ႈၵိုမ်းယူႇႁၼၼ်ႉ
ႁဝ်းၵေႃႈလၢမ်းၶၢတ်ႈမၼ်းဢမ်ႇလႆႈ။
ၵူၼ်းဢၼ်ယၢမ်ႈႁၵ်ႉၼႃႇၼၼ်ႇ
ထိုင်ၶၢဝ်းယၢမ်း တၢင်းႁၵ်ႉၶဝ်ၵေႃႈ
မူတ်းၵႂႃႇငၢႆႈငၢႆႈ ၵွပ်ႈၼၼ်
ၵၢၼ်ႁၵ်ႉတူဝ်ၸဝ်ႈၵဝ်ႇၼၼ်ႉ
မိူၼ်လႆႈသႂ်ႇသိူဝ်ႈႁႄႉမၢၵ်ႇၵွင်ႈ
ၼႆၵေႃႈဝႃႈလႆႈယူႇ။
ဢမ်ႇပဵၼ်သင်ၼင်ႇၵဝ်ႇလႆ
ဢၼ်ႁဝ်းတေႁၵ်ႉၵူၼ်းၵေႃႉၼိုင်ႈ
ယွၼ်ႉတၢင်းႁၵ်ႉ မၼ်းပဵၼ်လွင်ႈ
သၽႃႇဝယဝ်ႉလူး။
ၵူၺ်းၵႃႈ ယွၼ်ႉၸႂ်ၵူၼ်း
ဢမ်ႇမၼ်ႈၵိုမ်းလႄႈ တၢင်းႁၵ်ႉၵေႃႈ
ႁိုဝ်တေမၼ်ႈၵိုမ်းယိုၼ်းယၢဝ်းလႃႇ။
ပေႃးပႆႇႁၵ်ႉ ယႃႇၼႅတ်ႈႁၵ်ႉၽႂ်
ပေႃးပႆႇမၼ်ႈၸႂ်ဝႃႈ ႁဝ်းႁၵ်ႉ
တူဝ်ၸဝ်ႈၵဝ်ႇပဵင်းပေႃးတဵမ်ထူၼ်ႈ။
ႁႂ်ႈမေႃႁၵ်ႉတူဝ်ၸဝ်ႈၵဝ်ႇၼမ်ၼမ်
တေႃႇတၢင်းႁၵ်ႉၼၼ်ႉ သမ်ႉပေႃး
ၶိုၼ်းမေႃလဵင်ႉပၼ်ႁူဝ်ၸႂ်ႁဝ်းၶိုၼ်း
ၼႂ်းဝၼ်းဢၼ်ၶဝ်ဢမ်ႇႁၵ်ႉႁဝ်းၼၼ်ႉလႄႈ။
#ၸူႉႁၵ်ႉလိၵ်ႈလၢႆး
- 2
โฆษณา
- ดาวน์โหลดแอปพลิเคชัน
- © 2025 Blockdit
