မိူဝ်ႈႁၵ်ႉၵၼ်မႂ်ႇမႂ်ႇ
မိူဝ်ႈႁၵ်ႉၵၼ်မႂ်ႇမႂ်ႇ
ဢီႈသင်ၵေႃႈလီ
ဢီႈသင်ၵေႃႈၶႅမ်ႉ
ဢီႈသင်ၵေႃႈပဵၼ်ၸႂ်ႁဝ်း။
မိူဝ်ႈႁၵ်ႉၵၼ်မႂ်ႇမႂ်ႇ
ၵူၼ်းသွင်ၵေႃႉတူၺ်းတၢင်းလႂ်ၵေႃႈ
ပႄႉငၢႆးမိူၼ်ၵၼ်ၵႂႃႇပႅတ်ႈမူတ်း။
မိူဝ်ႈႁၵ်ႉၵၼ်မႂ်ႇမႂ်ႇ
ႁဝ်းတေထူပ်းလွင်ႈ
သၢင်ႇတေႃႇတင်းၼမ်
ဢၼ်ႁဵတ်းႁႂ်ႈႁဝ်းဝူၼ်ႉဝႃႈ
ပဵၼ်ပၢၼ်ဢွၼ်ၸုင်ၸူး
ၵွင်းမူးၸုင်ၶွႆႈဝႃႈၼႆဝႃႇ။
မိူဝ်ႈႁၵ်ႉၵၼ်မႂ်ႇမႂ်ႇ
ဢုပ်ႇၵၼ်တင်းဝၼ်းတင်းၶိုၼ်းၵေႃႈ
ဢမ်ႇမီးၵႂၢမ်းဝႃႈမိူဝ်ႇၸၢၼ်ႈ။
မိူဝ်ႈတၢင်းႁၵ်ႉၵဝ်ႇသဝ်ႈ
ဢီႈသင်ၵေႃႈဢမ်ႇလီ
ဢီႈသင်ၵေႃႈၶတ်းႁူ
ၶတ်းတႃ ၶတ်းပႃးၸႂ်။
မိူဝ်ႈတၢင်းႁၵ်ႉၵဝ်ႇသဝ်ႈ
ႁဝ်းတေထူပ်းလွင်ႈ ဢမ်ႇမိူၼ်ၵၼ်
ဢၼ်ႁႃတၢင်းသၢင်းလၢင်းဢမ်ႇလႆႈ။
မိူဝ်ႈတၢင်းႁၵ်ႉၵဝ်ႇသဝ်ႈ
မၢင်ၵေႃႉတေဝူၼ်ႉဝႃႈ
လွင်ႈလႆႈထူပ်းၵၼ်ၼၼ်ႉ
ပဵၼ်ဝူတ်ႈပဵၼ်ၵၢမ်ႇဝႃႇၵမ်းၼႆႉ။
မိူဝ်ႈတၢင်းႁၵ်ႉၵဝ်ႇသဝ်ႈ
လၢတ်ႈတေႃႇၵၼ်ပႆႇတၼ်း
ႁူႉတီႈပွင်ႇၵေႃႈ ဝၢင်းသၢႆ
ဝၢင်းၽူင်းပႅတ်ႈၵၼ်ယဝ်ႈ။
ႁၵ်ႉမႂ်ႇႁိုဝ် ႁၵ်ႉၵဝ်ႇ
မၢင်ပွၵ်ႈဢမ်ႇၸႂ်ႈလွင်ႈၶၢဝ်းယၢမ်း
ဢၼ်ႁဝ်းႁၵ်ႉၵၼ် ၵူၺ်းၼႃႇ
ပဵၼ်လွင်ႈၵၢၼ်ယိၼ်းႁူႉ။
မၢင်ၵူႈႁၵ်ႉၵၼ်ဢမ်ႇထိုင်လိူၼ်
တၢင်းႁၵ်ႉၵေႃႈၵဝ်ႇသဝ်ႈဝဝ်းမွင်
မၢင်ႈၵူႈႁၵ်ႉၵၼ်တေႃႇပေႃးထဝ်ႈ
တၢင်းႁၵ်ႉႁၢင်ႈတိုၵ်ႉမႂ်ႇတႃႇသေႇ။
ၼႃႈႁဝ်းၼၼ်ႉ
ယင်းလူဝ်ႇလႆႈလူလွမ်လုမ်းလႃး
တႃႇႁႂ်ႈမၼ်းႁၢင်ႈလီယူႇတႃႇသေႇ။
တၢင်းႁၵ်ႉၵေႃႈတေႃႈၼင်ႇၼၼ်
လူဝ်ႇလူလွမ်လုမ်းလႃးလူၺ်ႈ
ဢၼ်ႁွင်ႉၸိုဝ်ႈဝႃႈ "လွင်ႈသႂ်ႇၸႂ်"။
တႃႇတေလူလွမ်ႁၵ်ႉသႃတၢင်းႁၵ်ႉ
ႁႂ်ႈယိုၼ်းယၢဝ်းထူၼ်ႈၸူဝ်ႈၼၼ်ႉ
လူဝ်ႇသႂ်ႇၸႂ်ၵၼ် မိူၼ်ႈမိူဝ်ႈႁဝ်း
ႁၵ်ႉၵၼ်ဝၼ်းဢွၼ်တၢင်းၼၼ်ႈဢိူဝ်ႈ။
#ၸူႉႁၵ်ႉလိၵ်ႈလၢႆး
โฆษณา
- ดาวน์โหลดแอปพลิเคชัน
- © 2025 Blockdit
