မိူဝ်ႈဝၼ်းဢၼ်ႁဝ်းတိုၵ်ႉႁၵ်ႉၵၼ်
မိူဝ်ႈဝၼ်းဢၼ်ႁဝ်းတိုၵ်ႉႁၵ်ႉၵၼ်
တိုၵ်ႉတွင်းဝၼ်းလႄႈ
ၶၢဝ်းယၢမ်းၼၼ်ႉလီယူႇ
မိူၼ်ႁၢင်ႈတိုၵ်ႉပူၼ်ႉမႃးပႆႇႁိုင်သင်။
ၵူၺ်းၼႃႇလွင်ႈတႄႉမၼ်း
ဝၼ်းလႄႈၶၢဝ်းယၢမ်း သမ်ႉပေႃး
ပူၼ်ႉမႃးႁိုင်ၼႃႇယဝ်ႉ။
မိူဝ်ႈဝၼ်းဢၼ်ႁဝ်းတိုၵ်ႉႁၵ်ႉၵၼ်
ၵူႈဝၼ်းဝၼ်းၼၼ်ႉ တဵမ်ၵႂႃႇလူၺ်ႈ
လွင်ႈသိူဝ်းၸႂ်လႄႈ လွင်ႈၶဝ်ႈၸႂ်ၵၼ်။
ဢမ်ႇတွၼ်ႉဝူၼ်ႉလႃႈဝႃႈ
တေမီးဝၼ်းဢၼ် ႁဝ်းဢမ်ႇႁၵ်ႉၵၼ်။
ဝၼ်းဢၼ်လွင်ႈၸႂ်ထိုင်
ယဵၼ်းပဵၼ် လွင်ႈႁိူဝ်ႉၼူၼ်း
ဝၼ်းဢၼ် လွင်ႈဢိူမ်ႈၸမ်
ယဵၼ်းပဵၼ်လွင်ႈ ယူႇယၢပ်ႇ
ဝၼ်းဢၼ်သဵင်ၶူဝ်ႁဝ်း
ယဵၼ်းပဵၼ်လွင်ႈယဵၼ်သီႇ
ဝၼ်းဢၼ်လွင်ႈဝႃႈႁဝ်း
ဢမ်ႇလႆႈမၢႆထိုင်
ႁဝ်းသွင်ၵေႃႉထႅင်ႈယဝ်ႈ။
ပေႃးႁူၼ်ၶိုၼ်းၶၢဝ်းယၢမ်းလႆႈ
ႁဝ်းတေၶႂ်ႈႁူၼ်ၶၢဝ်းယၢမ်းၵႂႃႇၸူး
မိူဝ်ႈၽွင်းႁဝ်းတိုၵ်ႉႁၵ်ႉၵၼ်
ႁဝ်းၶႂ်ႈႁူၼ်လင်ၵႂႃႇၵႄႈၶႆ
ဢီႈသင်ၵေႃႈလၢႆး ဢၼ်ႁဝ်းလႆႈ
ႁဵတ်းၽိတ်းၼႂ်ႈၵႄႈၵၢင်
သဵၼ်ႈတၢင်းႁၵ်ႉႁဝ်း။
ၵူၺ်းၵႃႈလီသေလၢႆ
ႁဝ်းႁူၼ်လင်ၶိုၼ်းၶၢဝ်းယၢမ်းဢမ်ႇလႆႈ
ဢီႈသင်ၵေႃႈ ပေႃးမၼ်းလူႉလႅဝ်ၵႂႃႇယဝ်ႉ
ၶႄးတေၸၢင်ႈၶိုၼ်းမႄးသေ ၶိုၼ်းမႃးၸႂ်ႉ
လႆႈယူႇ။
ၵူၺ်းၼႃႇလွင်ႈၵွင်ႉၵၢႆႇဢၼ်လႆႈ
လူႉလႅဝ်ၵႂႃႇယဝ်ႉၼၼ်ႉ ဢမ်ႇမီးဝၼ်း
တေၶိုၼ်းမိူၼ်ၵဝ်ႇလႆႈ။
ဢၼ်လီတီႈသုတ်း
ၶႄးတေပဵၼ်လွင်ႈဢၼ်ႁဝ်း
ဢမ်ႇၶႂ်ႈႁဵတ်း ၼၼ်ႉၵေႃႈပဵၼ်
လွင်ႈပွႆႇမိုဝ်းၵၼ်ၼၼ်ႉယဝ်ႈ။
ပၼ်ႁႂ်ႈႁင်းၽႂ်ႁင်းမၼ်း
လႆႈၽႄတၢင်းၵၼ်ၵႂႃႇၸွမ်း
သဵၼ်တၢင်းတူဝ်ၸဝ်ႈၵဝ်
တႄႇတင်ႈၸၢတ်ႈပၢၼ်မႂ်ႇထႅင်ႈၵမ်းၼိုင်ႈ။
ဢီႈသင်ၵေႃႈလီ
ဢၼ်ႁဝ်းယၢမ်ႈလီတေႃႇၵၼ်ၵေႃႈ
တွင်းမၢႆဝႆႉလူၺ်ႈၵႂၢမ်းဝႃႈ
ငိၼ်းၸူမ်း ၼႂ်းႁူဝ်ၸႂ်ၽႂ်မၼ်းလႄႈ။
ဢီႈသင်ၵေႃႈလီ
ဢၼ်ယၢမ်ႈႁဵတ်းၽိတ်း
တေႃႇၵၼ်ၵေႃႈ ဢမ်ႇလူဝ်ႇလိုမ်း
ၵူၺ်းၼႃႇဝၢင်းၶႂၢင်းပၼ်ၵၼ်
ပႅင်ႈၼင်ႇဝၢင်းၶႂၢင်းလႆႈၼၼ်ႉလႄႈ။
#ၸူႉႁၵ်ႉလိၵ်ႈလၢႆး
โฆษณา
- ดาวน์โหลดแอปพลิเคชัน
- © 2025 Blockdit
