ၸႂ်ထိုင်ယူႇၼႃ ၵူၺ်းၼႃႇ
တေဢမ်ႇၶိုၼ်းပွၵ်ႈၵႂႃႇထႅင်ႈယဝ်ႉ။
ၸႂ်ထိုင်ယူႇၼႃ ၵူၺ်းၼႃႇ
လူဝ်ႇဝူၼ်ႉထိုင် တူဝ်ၸဝ်ႈၵဝ်ႇ
မိူၼ်ၵၼ်။
ၸႂ်ထိုင်ယူႇၼႃ ၵူၺ်းၼႃႇ
ဢမ်ႇလိုမ်းလေႃႇဝႃႈ
ယၢမ်ႈထုၵ်ႇႁဵတ်းႁႂ်ႈ
လႆႈတိူဝ်ႉၸႂ်။
ၸႂ်ထိုင်ယူႇၼႃ ၵူၺ်းၼႃႇ
ၸႂ်ထိုင်လၢႆလၢႆၵူၺ်း ဢမ်ႇလႆႈ
ဝူၼ်ႉဢီႈသင်။
ၵူၼ်းႁဝ်းယၢမ်ႈၸႂ်ႉၶၢဝ်းယၢမ်း
ႁူမ်ႈၵၼ် ယၢမ်ႈမီးလွင်ႈၸႂ်ၸပ်းပႅၼ်း
တီႈၵၼ် တေလိုမ်းၵေႃႈ ဢမ်ႇၸႂ်ႈ
လွင်ႈငႆၢႈၼင်ႇၵဝ်ႇ။
ၵူၼ်းႁဝ်းယၢမ်ႈလၢတ်ႈ
ၵႂၢမ်းႁၵ်ႉၸူးၵၼ် ယၢမ်ႈၵွတ်ႇၵၼ်
တေႁႂ်ႈႁဵတ်းမိူၼ်ဢမ်ႇမီးတူဝ်တႄႉ
တွၼ်ႈတႃႇၶဝ်ၵေႃႈ ႁဵတ်းဢမ်ႇလႆႈ။
ဝႃႈၼၼ်သေတႃႉ
လွင်ႈၸႂ်ထိုင် ဢမ်ႇလႆႈပွင်ႇဝႃႈ
ၶႂ်ႈၶိုၼ်းပွၵ်ႈၵႂႃႇၼင်ႇၵဝ်ႇ။
ဝႃႈၼၼ်သေတႃႉ
ႁဝ်းၵေႃႈဢမ်ႇလႆႈလိုမ်းလွင်ႈ
ဢၼ်ယၢမ်ႈႁဵတ်းႁႂ်ႈလႆႈတိူဝ်ႉၸႂ်။
ယၢမ်ႈမီးၵူၼ်းလၢတ်ႈဝႃႈ
လွင်ႈသင်ပဵၼ်မႃးယဝ်ႉ
လွင်ႈၼၼ်ႉလီတႃႇသေႇ။
ၵူၺ်းၵႃႈႁဝ်းၵေႃႈ
ယုမ်ႇယမ်မိူၼ်ၵၼ်ဝႃႈ
ဢီႈသင်ဢၼ်သုတ်းသဵင်ႈၵႂႃႇၵေႃႈ
လီမိူၼ်ၵၼ်ၼင်ႇၵဝ်ႇ။
သၢႆၼမ်ႉဢမ်ႇတွၼ်ႉလႆၶိုၼ်ႈၶိုၼ်း
ဢီႈသင်ဢၼ်သုတ်းသဵင်ႈၵႂႃႇၵေႃႈ
ႁႂ်ႈမၼ်းသုတ်းသဵင်ၵႂႃႇ ဢမ်ႇလူဝ်ႇ
ၶတ်းၸႂ်ႁႂ်ႈၶိုၼ်းမိူၼ်ၵဝ်ႇ။
ၸႂ်ထိုင်ယူႇၼႃ ၵူၺ်းၼႃႇ
ၸႂ်ထိုင်လၢႆလၢႆၵေႃႈပေႃးယဝ်ႉ
တႄႇဢဝ်ၼႆႉၵႂႃႇ ႁဝ်းလူဝ်ႇ
မီးၸၢတ်ႈပၼ်ၶွင်ႁဝ်း။
#ၸူႉႁၵ်ႉလိၵ်ႈလၢႆး
โฆษณา
- ดาวน์โหลดแอปพลิเคชัน
- © 2025 Blockdit
