မိူဝ်ႈၵေႃႉႁၵ်ႉဢမ်ႇလိုမ်းၸူႉၵဝ်ႇ
လွင်ႈတွင်းၵိုမ်းၼၼ်ႉ ပဵၼ်လွင်ႈဢၼ်
လၢၵ်ႇလႆၢးဝႆႉၼင်ႇၵဝ်ႇလွင်ႈဢၼ်ႁဝ်း
ၶႂ်ႈလိုမ်းၼၼ်ႉ ႁဝ်းတေတွင်း။
ပိၼ်ႈၽူၼ်ၵၼ်တင်းလွင်ႈဢၼ်ႁဝ်း
ၶႂ်ႈတွင်းၼၼ်ႉ ႁဝ်းသမ်ႉၵႆႉလိုမ်း။
ၵူၺ်းၼႃႇလွင်ႈၵဵဝ်ႇလူၺ်ႈတၢင်းႁၵ်ႉ
ဢမ်ႇဝႃႈႁဝ်းတေၶႂ်ႈလိုမ်းႁိုဝ်
ႁဝ်းတေၶႂ်ႈတွင်း ႁဝ်းၵေႃႈလိုမ်းဢမ်ႇလႆႈ။
ၶႃႈယုမ်ႇဝႃႈ လွင်ႈၶွင်တၢင်းႁၵ်ႉႁိုဝ်
လွင်ႈၶွင်ၵူၼ်းယၢမ်ႈႁၵ်ႉၵၼ် ဢမ်ႇၸႂ်ႈ
လွင်ႈၽႂ်ၵေႃႈလၢႆးတေလိုမ်းၵၼ်
လႆႈငၢႆႈငၢႆႈ ဢမ်ႇလိူဝ်သေတူဝ်ႁဝ်းၵေႃႈ
လိုမ်းဢမ်ႇလႆႈ။
ဢၼ်လမ်ႇလွင်ႈ ၸိုင်ဢမ်ႇၸႂ်ႈ
လွင်ႈႁဝ်းယင်းလိုမ်းၽႂ်ဢမ်ႇလႆႈ
ၵူၺ်းၼႃႇပဵၼ်လွင်ႈ ဢၼ်ႁဝ်းတိုၵ်ႉ
တွင်းသေ သမ်ႉတေဢဝ်ၸိူင်ႉႁိုဝ်
တေႃႇၸၢတ်ႈပၢၼ်ႁဝ်း။
ၸႂ်ႈႁိုဝ်လႃႇဝႃႈ ပႅၵ်ႉသမ်ႉႁဝ်း
တေတွင်းလႆႈတၢၼ်ႇလႂ် ၵမ်းလိုၼ်း
လွင်ႈပူၼ်ႉမႃးၵေႃႈ တိုၼ်းပဵၼ်
လွင်ႈပူၼ်ႉမႃးၵူၺ်း။
ပဵၼ်လွင်ႈတေဢမ်ႇမီးဝၼ်း
ပွၵ်ႈမႃးလႄႈ ဢမ်ႇမီးတီႈပွင်ႇၵႂၢမ်းမၢႆ
သင်ထႅင်ႈယဝ်ႉ ဢၼ်တိုၵ်ႉမီးၵႂၢမ်းမၢႆ
ယူႇတႄႉတႄႉလႄႈ မီးယူႇတႄႉၼၼ်ႉ
ပဵၼ်ၶၢဝ်းယၢမ်းမိူဝ်ႈလဵဝ်ၼႆႉၵူၺ်းဢိူဝ်ႈ။
ၵေႃႉဢၼ်လမ်ႇလွင်ႈတေႃႇႁဝ်း
တႄႉတႄႉ ဢမ်ႇၸႂ်ႈ
ၵေႃႉဢၼ်ပူၼ်ႉမႃးလႄႈ
ဢမ်ႇၸႂ်ႈၵေႃႉမိူဝ်းၼႃႈဢၼ်တေမႃး
ၵူၺ်းၼႃႇပဵၼ်ၵေႃႉမိူဝ်ႈလဵဝ်ဢိူဝ်ႈ
ဢၼ်ႁဝ်းတင်ႈၸႂ်ယဝ်ႉဝႃႈ
တေႁၵ်ႉၶဝ်ၵႂႃႇတေႃႇၸူဝ်ႈ။
ပေႃးၵေႃႉႁၵ်ႉႁဝ်း ယင်းပႆႇလိုမ်း
ၸူႉၵဝ်ႇ ႁဝ်းၵေႃႈလူဝ်ႇလၢတ်ႈႁႂ်ႈၶဝ်ႁူႉဝႃႈ
ဢမ်ႇၽိတ်းလေႃႇ ဢၼ်ၶဝ်ဢမ်ႇလိုမ်း
ၵူၺ်းၼႃႇၶဝ်ၵေႃႈဢမ်ႇလူဝ်ႇလိုမ်းဝႃႈ
ၽႂ်ႈပဵၼ်ၵေႃႉမိူဝ်ႈလဵဝ် ၵေႃႉဢၼ်
လမ်ႇလွင်ႈလႄႈ မီးယူႇတႄႉ။
#ၸူႉႁၵ်ႉလိၵ်ႈလၢႆး
โฆษณา
- ดาวน์โหลดแอปพลิเคชัน
- © 2025 Blockdit
