ເປັນຫຍັງຈຶ່ງຕ້ອງຄິດບວກກັບຕົວເອງ ແລະ ທຸກສິ່ງທີ່ເຂົ້າມາໃນຊີວິດເຮົາ?
ການຄິດບວກມັນຫຼາຍກວ່າສະໂລແກນທີ່ບອກຕໍ່ໆກັນມາ ມັນປ່ຽນພຶກຕິດກຳຂອງເຮົາ ແລະ ຂ້ອຍເຊື່ອຢ່າງຍິ່ງວ່າ ເມື່ອເຮົາຄິດບວກ ມັນບໍ່ໄດ້ພຽງແຕ່ເຮັດໃຫ້ເຮົາດີຂື້ນ ແຕ່ມັນເຮັດໃຫ້ຄົນທີ່ຢູ່ອ້ອມຂ້າງຕົວເຮົາດີຂື້ນຕາມ.
ຂ້ອຍເຊື່ອວ່າ ຫຼາຍໆຄົນ ຄົງຈະຖືກບອກວ່າໃຫ້ເບິ່ງໂລກໃນແງ່ບວກມາແລ້ວກັນຫຼາຍຄົນ ການເບິ່ງໂລກໃນແງ່ບວກສົ່ງຜົນດີຫຼາຍໆຢ່າງຕໍ່ສຸຂະພາບຈິດເຮົາ ແລະ ຄົນເຮົາຈະມີກຳລັງໃຈໃນການຕໍ່ສູ້ກັບປັນຫາ ແລະ ດຳເນີນຊີວິດຕໍ່ໄປໄດ້ຢ່າງດີ ເພາະພວກເຂົາມີຄວາມຫວັງ ແລະ ຄວາມຫວັງນັ້ນກໍ່ເກີດຈາກການຄິດບວກນັ້ນເອງ.
ເມື່ອເຮົາຢູ່ໃນສະຖານະປົກກະຕິ ຊີວິດບໍ່ໄດ້ປະສົບກັບປັນຫາຫຍັງ ການຄິດບວກກໍ່ຄືກັບເລື່ອງງ່າຍໆ ແຕ່ເມື່ອໃດກໍ່ຕາມທີ່ເຮົາກຳລັງພົບພໍ້ກັບບົດທົດຊອບໃນຊີວິດ ມີປັນຫາຕ່າງໆເກີດຂື້ນກັບຕົວເຮົາຈາກຫຼາຍທິດທາງ ຈົນເຮັດໃຫ້ເຮົາເຊ ແລະ ລົ້ມລົງ ການຄິດບວກຈະບໍ່ແມ່ນເລື່ອງງ່າຍໆ ທີ່ເຮົາຈະສາມາດເຮັດໄດ້ອີກຕໍ່ໄປ.
ແຕ່ຢ່າງໃດກໍ່ຕາມ ບໍ່ວ່າຊີວິດເຮົາຈະກຳລັງປະເຊີນກັບປັນຫາຫຼວງຫຼາຍສຳໃດ ເຮົາຍັງສາມາດຄິດບວກໄດ້ ມື້ນີ້ຂ້ອຍມີເຄັດລັບທີ່ຈະຊ່ວຍ ໃຫ້ທ່ານສາມາດຄົງຄວາມຄິດເປັນບວກໄດ້ຢູ່ ເມື່ອພໍ້ກັບສະຖານະການທີ່ຍາກລຳບາກ.
- 1.ຕັ້ງຄຳຖາມກັບຕົວເອງໃນເລື່ອງທີ່ເກີດຂື້ນ.
ເມື່ອພະເຊີນກັບປັນຫາໃຫ້ຕັ້ງຄຳຖາມວ່າເຮົາຈະໄດ້ສິດຜົນປະໂຫຍດຫຍັງກັບເລື່ອງນີ້, ມັນໃຫ້ຊີວິດທີ່ດີຫຍັງກັບຕົວເຮົາ, ມັນສົມຄວນ ຫຼື ສຳຄັນແນວໃດຕໍ່ຕົວເຮົາ ຕັ້ງຄຳຖາມໃນຫົວແລ້ວໄຕຕອງກັບປັນຫາ.
2. ປ່ອຍວາງ ແລະ ຢ່າເກັບມາໃສ່ໃຈ “ຊ່າງມັນ”.
ໃນເມື່ອປັນຫາມັນເກີດຂື້ນແລ້ວ ບໍ່ສາດມາດກັບໄປແກ້ໄຂມັນໄດ້ ກໍ່ໃຫ້ຄິດສະວ່າເປັນບົດຮຽນສອນຊີວິດ ປ່ອຍມັນໄປຊ່າງມັນເທາະ! ຖືສະວ່າເປັນລາຄາທີ່ຈ່າຍກັບການຕ້ອງໃຊ້ຊີວິດ ວັນນີ້ກ້າວພາດແຕ່ກ້າວຕໍ່ໄປຈະບໍ່ຊ້ຳຮອຍເກົ່າຢ່າງແນ່ນອນ ຄິດສະວ່າໃນໂລກນີ້ບໍ່ຫຍັງສົມບູນແບບໂດຍປາສະຈາກຄວາມພາດ ແລະ ປັນຫາອັນເລວຮ້າຍ.
3. ຈັດການກັບປັນຫາໂດຍການຄິດບວກ.
ໃນເມື່ອກຳລັງພໍ້ປັນຫາອັນເລວຮ້າຍ ອັນດັບແລກຄືຕັ້ງສິຕິຈັດການກັບຄວາມຄິດຂອງຕົວເອງ ຢ່າປ່ອຍໃຫ້ອາລົມຢູ່ເໜືອເຫດຜົນ ໃຫ້ຄິດ ແລະ ຄຶນຶງກັບປັນຫາ ຖ້າເຮົາເຮັດແບບນີ້ຈະມີຜົນຮັບແບບໃດ ແລະ ເຮັດແບບນັ້ນເດຈະເກີດຫຍັງຂື້ນ ເຖິງແກ້ປັນຫາໄປແລ້ວແຕ່ຜົນອາດຈະບໍ່ໄດ້ດີເທົ່າທີ່ຄິດໄວ້ ກໍ່ໃຫ້ຄິດສະວ່າຢ່າງນ້ອຍເຮົາກໍ່ໄດ້ແກ້ປັນຫາແລ້ວ ມັນກໍ່ກວ່າທີ່ຄວນຈະເປັນ.
4. ຍອມຮັບ ແລະ ທຳຄວາມເຂົ້າໃຈກັບມັນ.
ທຸກສິ່ງທຸກຢ່າງທີ່ເຂົ້າ ມັນບໍ່ມີເຫດຜົນຫຍັງທັ່ງນັ້ນ ເຮົາເຮັດໄດ້ພຽງຍອມຮັບ ວ່າຕ້ອງເປັນແບບນີ້ ເຂົາເຮັດກັບເຮົາແບບນີ້ເພື່ອຫຍັງ ແລະ ເປັນເຮົາຕ້ອງໄປໃສໃຈກັບຄຳຄົນທີ່ເຮັດກັບເຮົາແບບນີ້ ໃນເມື່ອປັນຫາມັນບໍ່ໄດ້ເກີດຈາກຕົວເຮົາກະປ່ອຍມັນ ຢ່າໃຫ້ມັນມີອິດທິພົນກັບຈິດໃຈຂອງຕົວເຮົາເອງ.
- 1
โฆษณา
- ดาวน์โหลดแอปพลิเคชัน
- © 2024 Blockdit
