บันทึกของอิหล่าน้อย | ปลายดอย EP.4
หลังจากพ่อพาไปปลูกมะม่วงริมฝายพญานาค หล่ากะยางเท้าเปล่าลัดเลาะออกมาข้างสวน ลมสายบ่ายหอบกลิ่นดินชื้นมาเบาๆ ใต้ต้นไม้ใหญ่ที่โพนดิน หล่าเจอเห็ดปลวกกลุ่มนึงงอกหัวดันใบไม้ขึ้นมาจนพอง ๆ หล่าเอาไม้แหลมเขี่ยดินเบาๆ ถนอมเส้นใยไว้อย่างระมัดระวัง
ย่างต่ออีกนิดก็เจอเห็ดน้ำหมาก กะเห็ดอีกหลายหลายปุ่ม หล่าตะโกนบอกอีพ่อด้วยความดีใจ
“พ่อ...เห็ดหลายโพด!”
พ่อหัวเราะ บอกว่า...
“เก็บโลดลูก เดี๋ยวพ่อถางสวนแล้วกะสิได่อิ่มแลงพอดี”
.
.
หล่าเก็บเห็ดใส่ตะกร้าจนเกือบครึ่งใบ แล้ววิ่งไปริมรั้ว เด็ดผักอีตู่ลาวเพิ่มมาอีกมัด ซ้อนท้ายมอไซด์อีเหลียงกลับบ้านผ่านฝายพญานาค หล่าลงไปล้างเห็ดในฝาย เพราะที่บ้านบ่ค่อยมีน้ำใช้
พอกลับถึงบ้าน แม่กะเอาเห็ดไปแกงรวมกับผักอีตู่ลาว ข้าวเหนียวแม่กะนึ่งไว้แล้วใหม่ๆ ฮ้อนๆ แซ่บบักคัก...
แม่หันมายิ้มแล้วลูบหัวหล่าเบาๆ...
“อิหล่าของแม่มาเก่งแท้เด้อ”
.
.
แม่เอาปลาทูปิ้งสองโตใส่จาน หล่ากะแกะปลาให้พ่อเหมือนที่เคยทำมาตั้งแต่จำความได้ เพราะถ้าหล่ายังบ่ได้กิน พ่อกะบ่ยอมแตะข้าวเลย พ่อกลัวว่าลูกน้อยสิอด...
มันเป็นมื้อแลงเรียบง่าย แต่มันอบอุ่นแทบล้นออกมาจากถ้วยเห็ด มื้อนั้นหล่าจำได้ว่า...อิ่มทั้งท้อง อิ่มทั้งใจ...
.
.
กินข้าวแลงแล้วหล่ามีภารกิจเด็ดเล่าต่อEP5...เอื้อยๆอ้ายๆถ่าฟังหล่าแนเด้จ่ะ
.
.
ปลายดาวอินฟินิตี้
โฆษณา
- ดาวน์โหลดแอปพลิเคชัน
- © 2025 Blockdit
