บันทึกของอิหล่าน้อย –ปลายดอย EP.5
“ตำนานช่างตัดเล็บผู้เกิดจากความฮัก”
แสงจากตะเกียงริมข้างฝา
ลูบไล้เบาๆ ที่เปลผ้าใบผืนเก่า พ่อหลับไผ่อยู่ในนั้น
เสียงจิ้งหรีดเรไรแข่งกันร้องขับกล่อม
หล่าเบิ่งไปเบิ่งมาขาเปลของพ่อยื่นออกมา
เฮือนเงียบดี…แต่ใจหล่าดังขึ้นทุกที
เล็บตีนพ่อดำเตอะ เต็มไปด้วยดินไถ
บางทีคือโคลนตมจากสระสวนบ่กะไถ่นา
แต่เล็บเหล่านั้นคือเครื่องหมายของคนฮักลูก
คนที่เอาเหงื่อแลกข้าว เหนื่อยกะบ่บ่นคำเดียว
หล่าเอาน้ำใส่กะละมังน้อย เบาๆ
มีดตัดเล็บ ตะไบ ที่แม่เคยใช้
แล้วลงนั่งข้างๆ เปลพ่ออย่างถนอม
มือเล็กๆ จับเท้าใหญ่ๆ ที่กร้าน
แล้วเริ่มภารกิจตัดเล็บแบบเงียบๆ
บ่แม่นเพราะพ่อขอ บ่แม่นเพราะพ่อใช้
แต่เพราะหัวใจหล่าอยากทำ
หล่าตั้งใจตัด ตะไบ ให้งาม
คืออยากให้พ่อสบาย แม่นเพียงเรื่องเล็กน้อย…ก็สุขใจ
“เฮ้ย…อิหล่า ตัดให้พ่ออย่างเดียว แม่กะยังมีเล็บอยู่เด้”
เสียงแม่แซวพร้อมหัวเราะเบาๆ
หล่าเลยหัวเราะตาม บอกแม่ว่า
“แม่อย่าได้น้อยใจเด้อ ฮักพ่อหลายกว่าหน่อยหนึ่งเด้…5555”
แม่ได้ยินกะหัวเราะน้ำตาไหล
แต่หล่าเห็นตาพ่อหลับแล้วมีรอยยิ้มมุมปาก
และนั่น…กะกลายเป็นตำนาน
“ช่างตัดเล็บประจำบ้าน”
ที่หล่าเริ่มไว้ตั้งแต่อายุเจ็ดขวบ
จนถึงวันที่พ่อสิหลับไปตลอดกาล
ทุกฤดู ทุกปี หล่าบ่เคยลืมว่า
เล็บของพ่อ…หล่าต้องเป็นคนดูแล
เพราะเล็บของพ่อ เต็มไปด้วยเรื่องราว
คือแผ่นดินที่พ่อไถ คือเส้นทางที่พ่อฝ่า
คือทุกหยาดเหงื่อที่หล่นลงในนาของเฮา
เล็บดำนั้น บ่เคยเปื้อนใจ
แต่เต็มไปด้วยฮักแท้ ที่คนเป็นลูกบ่ลืมได๋
.
จบ EP.5 แล้วเด้อจ้า
EP หน้า…หล่าจะพาไปย้อนอีกมุมในวัยเยาว์
แต่คืนนี้ขอปิดสมุดไว้ก่อน
ขอนอนให้หัวใจได้ซบลงกับความทรงจำที่งามที่สุดในโลก
…ในอ้อมแขนของ “พ่อ”
หากชอบ...ฝากหัวใจไว้มุมใดของเพจกะได้
หล่าเฝ้าดูอยู่เงียบๆ เด้อ
อาจบ่กล้าทัก แต่แอบอยากให้ใครบางคนแวะมาอ่าน ฮั่นแน
#บันทึกของอิหล่าน้อย
#อิหล่าฮักพ่อหลาย
#ตอนหน้าสิพาไปปลูกผักริมฝายเด้อ
.
.ปลายดาวอินฟินิตี้
โฆษณา
- ดาวน์โหลดแอปพลิเคชัน
- © 2025 Blockdit
